បទ៖ ព្រែកហ្លួងស្នេហ៍អើយ
(លំនាំបទ) សម្រស់នាងចែវទូកដរ
រៀបរៀងដោយ៖ វេជ្ជ. ថៃ សុភក្តិ
ទំនុកច្រៀង៖ វេជ្ជ. នូ ចន្រ្ទា
ច្រៀងដោយ៖ ខាន់ សំណាង
1/ ឱ! ភូមិព្រែកហ្លួងប្របស្ទឹងសង្កែ កវីប៉ងលួចស្នេហ៍
ចង់បមថ្នមថែ ពេញមួយជីវិត ទូកដរវត្តកែវធ្លាប់ឆ្លងកៀកកិត
ដូនទាវត្រើយស្ទឹងស្នេហ៍ស្និត ឯកភ្នំដួងចិត្តសាក្សី។
2/ ម្ចាស់ស្ទឹងសង្កែរឿងស្នេហ៍កវី ដិតជាប់ហទ័យ
អូនស្អាតប្រពៃឆក់បេះដូងបង ភូមិស្ដីលើក្រោមជួយចាំស្នេហ៍ផង
រហាលសួងស្នេហ៍ឥតហ្មង ដូនឥន្ទស្ម័គ្រប៉ងលើស្រី ។
3/ ភូមិបាក់រទេះអំរែកស្នេហ៍អើយ ព្រែកហ្លួងនេះហើយ ផ្ដើមស្នេហ៍កវី
បានជួបពៅស្រស់ លង់ស្នេហ៍មានន័យ
បានត្រឹមស្រម៉ៃ លបលួចស្នេហ៍ស្រីម្នាក់ឯង ។
R/ ព្រែកហ្លួងដួងចិត្ត អានិតខ្ញុំផង ទូកដរបងធ្លាប់ឆ្លង
ស្ទឹងបាត់ដំបង លង់ស្នេហ៍លាក់លួច ស្រអែម ខ្មៅស្ទើរញញឹមថ្ពាល់ខួច
អារម្មណ៍វិលដូចទឹកកួច បេះដូងខំហួចប្រាប់ស្រី ។
(ស្ដាប់ភ្លេង សិន រួច R)
11 фев 2021
