#ចំណងជើងវីដេអូ៖ «ទ្រង់ជាមេនៃអំពើល្អគ្រប់យ៉ាង» He’s The Mastermind Of Every Good Thing
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី០៨ ខែកក្កដា ឆ្នាំ២០២៤។
«ទ្រង់ជាមេនៃអំពើល្អគ្រប់យ៉ាង» He’s The Mastermind Of Every Good Thing
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ដ្បិតព្រះយេហូវ៉ាទ្រង់មានបន្ទូលថា អញស្គាល់សេចក្ដីដែលអញគិតពីដំណើរឯងរាល់គ្នា មិនមែនគិតធ្វើសេចក្ដីអាក្រក់ទេ គឺគិតឲ្យបានសេចក្ដីសុខវិញ ដើម្បីដល់ចុងបំផុត ឲ្យឯងរាល់គ្នាបានសេចក្ដីសង្ឃឹម» (យេរេមា ២៩:១១)។
វាអស្ចារ្យណាស់ដែលព្រះស្រឡាញ់យើង។ សូមគិតអំពីសេចក្ដីពិត ដែលទ្រង់បានប្រទានដល់យើងគ្រប់យ៉ាង! ទ្រង់ប្រទាននគររបស់ទ្រង់ដល់យើង ទ្រង់ប្រទានសេចក្តីសុចរិតដល់យើង ទ្រង់ប្រទានប្រាជ្ញាដល់យើង ទ្រង់ប្រទានសិរីល្អដល់យើង ទ្រង់ប្រទានព្រះនាមទ្រង់ ហើយថែមទាំងប្រទានជីវិតដល់យើង។ នោះបង្ហាញថា តើទ្រង់ស្រឡាញ់យើងប៉ុណ្ណា។
ដូច្នេះ ពេលមនុស្សរងទុក្ខនិងឈឺចាប់ វាមិនមែនមកពីព្រះទេ។ ព្រះគម្ពីរចែងនៅទំនុកដំកើង ៣៣:៥ ថា៖ «ទ្រង់ស្រឡាញ់សេចក្ដីសុចរិត នឹងសេចក្ដីយុត្តិធម៌ ផែនដីមានពេញដោយសេចក្ដីសប្បុរសនៃព្រះយេហូវ៉ា»។ សេចក្ដីសប្បុរសរបស់ទ្រង់ - នោះហើយជាទាំងអស់ដែលទ្រង់ចង់ឱ្យបុរស ស្ត្រី ក្មេងប្រុស និងក្មេងស្រីនៅលើផែនដីទាំងមូល ទទួលបានបទពិសោធន៍ជារៀងរាល់ថ្ងៃ។
ទំនុកដំកើង ១៦:១១ ចែងថា ក្នុងវត្តមានរបស់ទ្រង់ គឺពោរពេញដោយអំណរ។ ហើយនៅដៃស្តាំរបស់ទ្រង់មានអំណរជារៀងរហូត។ នោះអាចឲ្យអ្នករាល់គ្នា ស្គាល់ថាទ្រង់ជាព្រះប្រភេទណា។ ទ្រង់មិនមែនជាមេខ្លោង នៅពីក្រោយការរងទុក្ខរបស់អ្នករាល់គ្នាទេ។ ទ្រង់មិនមែនជាមេខ្លោង នៅពីក្រោយទុក្ខព្រួយរបស់អ្នករាល់គ្នាទេ។
ប្រហែលជាអ្នករាល់គ្នាកំពុងអានថ្ងៃនេះ ហើយជីវិតរបស់អ្នករាល់គ្នាពិបាកខ្លាំង។ អ្វីៗមិនដំណើរការ ដូចដែលអ្នករាល់គ្នាចង់ឱ្យវាដំណើរការទេ។ អ្នករាល់គ្នាមិនរស់នៅក្នុងជីវិតពេញលេញទេ វាអាចមានការផ្លាស់ប្តូរសូម្បីតែឥឡូវនេះ។ សូមឱបក្រសោបព្រះគ្រីស្ទដ៏ជាទីស្រឡាញ់នេះ។ សូមជឿជាក់ថា ទ្រង់ស្រឡាញ់យើង ហើយចង់បានអ្វីដែលល្អបំផុតសម្រាប់អ្នករាល់គ្នា។
ទ្រង់បានមានបន្ទូលនៅក្នុង ៣យ៉ូហាន ១:២ ថា៖ «អ្នកស្ងួនភ្ងាអើយ ខ្ញុំប្រាថ្នាចង់ឲ្យអ្នកបានចំរើនឡើងគ្រប់ជំពូក ហើយឲ្យបានសុខសប្បាយខាងរូបសាច់ ដូចជាព្រលឹងអ្នកបានចំរើនឡើងដែរ»។ នេះជាបំណងប្រាថ្នាដ៏មានពរពីព្រះវរបិតាសួគ៌ ដែលប្រកបដោយសេចក្ដីស្រឡាញ់ និងប្រកបដោយព្រះគុណជានិច្ច! ទ្រង់ជាព្រះវរបិតានៃពន្លឺ និងនៃសេចក្តីសុចរិតទាំងអស់។ ហើយទ្រង់មិនរើសអើងទេ (យ៉ាកុប ១:១៧)។ ម៉ាថាយ ៥:៤៥ ចែងថា «...ព្រោះទ្រង់ធ្វើឲ្យថ្ងៃរបស់ទ្រង់រះឡើង បំភ្លឺទាំងមនុស្សអាក្រក់នឹងមនុស្សល្អ ហើយទ្រង់បង្អុរឲ្យភ្លៀងធ្លាក់មក លើទាំងមនុស្សសុចរិត នឹងមនុស្សទុច្ចរិតផង»។ ទ្រង់មានព្រះទ័យសប្បុរស និង មេត្តាករុណា។
សូមគិតផងដែរ អំពីអ្វីដែលទ្រង់មានបន្ទូលនៅក្នុងអេសាយ ១:១៩ (TLB)៖ «ប្រសិនបើអ្នករាល់គ្នាគ្រាន់តែឲ្យខ្ញុំជួយអ្នក បើអ្នករាល់គ្នាធ្វើតាមតែបង្គាប់ នោះខ្ញុំនឹងធ្វើឲ្យអ្នករាល់គ្នាក្លាយជាអ្នកមាន!»។ សូមស្រមៃមើលការអញ្ជើញមួយនេះ។ នោះមានន័យថា វាអាស្រ័យលើអ្នករាល់គ្នាឥឡូវនេះ ដើម្បីអនុញ្ញាតឱ្យទ្រង់ជួយអ្នករាល់គ្នា ឱ្យរស់នៅក្នុងភាពរុងរឿង និងបរិបូរណ៍។ ប៉ុន្តែ តើទ្រង់ជួយអ្នករាល់គ្នាដោយរបៀបណា?
វាគឺតាមរយៈព្រះបន្ទូលរបស់ទ្រង់។ ព្រះបន្ទូលរបស់ទ្រង់ គឺជាសេចក្តីពិតរបស់ទ្រង់ និងជាពន្លឺដែលដឹកនាំអ្នករាល់គ្នា ទៅកាន់ផ្លូវនៃជ័យជំនះ និងអំណាចផ្តាច់ការនៅក្នុងជីវិត។ នៅពេលអ្នករាល់គ្នា ដើរក្នុងពន្លឺនៃព្រះបន្ទូលទ្រង់ អ្នករាល់គ្នារកឃើញព្រះពរទាំងអស់ ដែលជារបស់អ្នករាល់គ្នានៅក្នុងព្រះគ្រីស្ទ ហើយរីករាយនឹងភាពពេញលេញ នៃមរតករបស់អ្នករាល់គ្នានៅក្នុងទ្រង់។ ហាលេលូយ៉ា!
#ការប្រកាស
ព្រះអម្ចាស់ទ្រង់ជាមេនៃរាល់អំពើល្អក្នុងជីវិតរបស់ខ្ញុំ។ ចិត្តគំនិតរបស់ទ្រង់មានចំពោះខ្ញុំគឺជាសេចក្ដីសុខសាន្ត មិនមែនជាអំពើអាក្រក់ទេ ដើម្បីផ្តល់ឱ្យខ្ញុំនូវអនាគត និងក្តីសង្ឃឹម។ ខ្ញុំសូមទទួលនូវសេចក្តីស្រឡាញ់ ដោយគ្មានលក្ខខណ្ឌរបស់ទ្រង់ ហើយទទួលបទពិសោធន៍ ពីសេចក្តីសប្បុរសរបស់ទ្រង់ជារៀងរាល់ថ្ងៃ ដ្បិតទ្រង់បានប្រទានដល់ខ្ញុំនូវនគរ សេចក្តីសុចរិត ប្រាជ្ញា និងសិរីល្អរបស់ទ្រង់។ ខ្ញុំដើរក្នុងពន្លឺនៃព្រះបន្ទូលរបស់ទ្រង់ ដែលដឹកនាំខ្ញុំក្នុងការទទួលជ័យជំនះ និងអំណាចផ្តាច់ការនៅក្នុងជីវិត។ ហាលេលូយ៉ា! អេមែន! សូមព្រះប្រទានពរ!
#ការសិក្សាបន្ថែម៖ ទំនុកដំកើង ៣៣:៥ ទំនុកដំកើង ១៦:១១ យ៉ាកុប ១:១៧ និង អេសាយ ១:១៩ (TLB) (ការកើតជាថ្មីកម្ពុជា)
6 июл 2024