#ចំណងជើងវីដេអូ៖ «មិនត្រូវបានប្រោសលោះ ឬរំដោះ» Not Redeemed Or Delivered
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី០៩ ខែកក្កដា ឆ្នាំ២០២៤។
«មិនត្រូវបានប្រោសលោះ ឬរំដោះ» Not Redeemed Or Delivered
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«បានជាបើអ្នកណានៅក្នុងព្រះគ្រីស្ទ នោះឈ្មោះថាបានកើតជាថ្មីហើយ អស់ទាំងសេចក្ដីចាស់បានកន្លងបាត់ទៅ មើល គ្រប់ទាំងអស់បានត្រឡប់ជាថ្មីវិញ» (២កូរិនថូស ៥:១៧)។
ពេលយើងនិយាយថាការបង្កើតថ្មីគឺមិនមែនជាការ «ប្រោសលោះ» ឬមិនត្រូវបាន «រំដោះ» ពីអំពើបាប ឬសាតាំង ដែលមនុស្សជាច្រើនមិនយល់ពីការនេះទេ។ នៅពេលដែលព្រះគម្ពីរនិយាយអំពីការប្រោសលោះ ដូចអ្នករាល់គ្នាឃើញនៅក្នុងលូកា ១:៦៨ ដែលនិយាយថា «សូមឲ្យព្រះអម្ចាស់ ជាព្រះនៃសាសន៍អ៊ីស្រាអែល បានប្រកបដោយព្រះគុណ ពីព្រោះទ្រង់បានទតមើល ហើយប្រោសលោះរាស្ត្រទ្រង់។ វាជាការសំដៅទៅលើសាសន៍យូដា។
ជនជាតិយូដាជាអ្នកដែលត្រូវប្រោសលោះ ពីព្រោះពួកគេស្ថិតនៅក្រោមបណ្តាសានៃក្រិត្យវិន័យ។ ដូច្នេះ នៅពេលដែលប៉ូលនិយាយថា «ព្រះគ្រីស្ទទ្រង់បានលោះយើងរាល់គ្នា ឲ្យរួចពីសេចក្ដីបណ្តាសារបស់ក្រិត្យវិន័យ...» (កាឡាទី ៣:១៣)។ វាសំខាន់ណាស់ដែលមិនត្រូវបំភាន់ដោយការប្រើពាក្យ «ពួកយើង» ទូទៅរបស់គាត់។ ប៉ុលកំពុងនិយាយក្នុងនាមជាសាសន៍យូដា។
សាសន៍ដទៃមិនត្រូវបានរំដោះ ចេញពីបណ្តាសានៃក្រិត្យវិន័យទេ ព្រោះពួកគេមិនស្ថិតនៅក្រោមក្រិត្យវិន័យឡើយ។
នោះហើយជាមូលហេតុដែលនៅក្នុង អេភេសូរ ៤:១៧-១៨ សាសន៍ដទៃត្រូវបានពិពណ៌នាថា ត្រូវបានញែកចេញពីព្រះ ហើយជាមនុស្សចម្លែកចំពោះសេចក្តីសញ្ញានៃសេចក្តីសន្យា គ្មានសង្ឃឹម និងគ្មានព្រះនៅក្នុងពិភពលោក។
ប៉ុន្តែ ចូរអរព្រះគុណដល់ព្រះ។ ក្នុងព្រះគ្រីស្ទយេស៊ូវ ទាំងសាសន៍យូដា និងសាសន៍ដទៃ ត្រូវបានធ្វើឱ្យទៅជាតែមួយ ហើយបង្កើតបានមនុស្សថ្មីមួយ ដែលមិនមែនជាសាសន៍យូដា ឬសាសន៍ដទៃ នោះគឺជាការបង្កើតថ្មី (អេភេសូរ ២:១៤)។ ការបង្កើតថ្មីនេះគឺជាមនុស្សថ្មី ដែលមិនធ្លាប់មានពីមុនមក ដូចដែលបានអាននៅក្នុងបទគម្ពីរផ្ដើមរបស់យើង។ មនុស្សថ្មីគឺជាប្រភេទថ្មី ហើយនេះជាចំនុចដែលអ្នករាល់គ្នា ជាកម្មសិទ្ធិរបស់ព្រះគ្រីស្ទ។
ដូច្នេះ ការកើតជាថ្មី អ្នករាល់គ្នាបានកើតមកក្នុងជីវិតថ្មី។ អ្នករាល់គ្នាមានជីវិតរបស់ព្រះគ្រីស្ទឥឡូវនេះ។ អ្នករាល់គ្នាមិនមានអតីតកាល ដែលត្រូវប្រោសលោះ ឬរំដោះចេញពីធម្មជាតិចាស់របស់អ្នករាល់គ្នានោះទេ ជីវិតដែលអ្នករាល់គ្នា មានមុនអ្នកកើតម្ដងទៀត ត្រូវបានជំនួសដោយធម្មជាតិរបស់ព្រះគ្រីស្ទ។ ឥឡូវនេះ អ្នកដើរក្នុងជីវិតថ្មី (រ៉ូម ៦:៤)។ ថ្វាយសិរីល្អដល់ព្រះ!
#ការប្រកាស
ខ្ញុំជាមនុស្សថ្មីនៅក្នុងព្រះគ្រីស្ទយេស៊ូវ ជាមួយនឹងជីវិត និងធម្មជាតិនៃព្រះ! ខ្ញុំមានជីវិតរស់ឡើងវិញ។ ខ្ញុំមិនមែនជាអ្នកដែលត្រូវបានប្រោសលោះ ខ្ញុំមិនមែនជាអ្នកដែលបានរំដោះ ខ្ញុំជាមនុស្សថ្មីស្រឡាងម្នាក់ ដែលមិនធ្លាប់មានពីមុនមក រស់នៅក្នុងជីវិតដ៏អស្ចារ្យនៃព្រះវិញ្ញាណ។ សូមថ្វាយព្រះពរដល់ព្រះ! អេមែន! សូមព្រះប្រទានពរ!
#ការសិក្សាបន្ថែម៖ ២កូរិនថូស ៥:២១ និង អេភេសូរ ២:៦ (ការកើតជាថ្មីកម្ពុជា)
7 июл 2024