#ចំណងជើងវីដេអូ៖ «ចូរការពារសេចក្តីស្រឡាញ់របស់អ្នកសម្រាប់ទ្រង់» Protect Your Love For Him
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃព្រហស្បត្តិ៍ ទី១១ ខែកក្កដា ឆ្នាំ២០២៤។
«ចូរការពារសេចក្តីស្រឡាញ់របស់អ្នកសម្រាប់ទ្រង់» Protect Your Love For Him
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ឯសេចក្ដីសង្ឃឹមក៏មិនដែលនាំឲ្យយើងមានសេចក្ដីខ្មាសឡើយ ពីព្រោះសេចក្ដីស្រឡាញ់របស់ព្រះ បានផ្សាយមកសព្វក្នុងចិត្តយើងរាល់គ្នា ដោយសារព្រះវិញ្ញាណបរិសុទ្ធ ដែលព្រះបានប្រទានមកយើងហើយ» (រ៉ូម ៥:៥)។
នៅក្នុង វិវរណៈ ២:២៥ ព្រះអម្ចាស់មានបន្ទូលប្រាប់យើងនូវអ្វីមួយ ដែលគួរឱ្យគិតគួរឱ្យរំភើបចិត្ត។ ទ្រង់មានបន្ទូលថា៖ «ប៉ុន្តែ សេចក្ដីដែលឯងមាន នោះឲ្យកាន់ខ្ជាប់ ដរាបដល់អញមកចុះ»។ យើងទើបតែអាននៅក្នុងខគម្ពីរផ្ដើមរបស់យើងថា សេចក្តីស្រឡាញ់របស់ទ្រង់ បានផ្សាយមកសព្វនៅក្នុងចិត្តរបស់អ្នករាល់គ្នា។ នោះមានន័យថា អ្នករាល់គ្នាត្រូវតែការពារសេចក្តីស្រឡាញ់ របស់អ្នករាល់គ្នាចំពោះទ្រង់ ពីព្រោះអ្នករាល់គ្នាអាចបាត់បង់វាបាន។
វាជួយឱ្យយល់ពីមូលហេតុ ដែលទ្រង់មានបន្ទូលប្រាប់យើង ឱ្យការពារចិត្តយើងដោយការឧស្សាហ៍ព្យាយាម ព្រោះសេចក្តីស្រឡាញ់របស់ទ្រង់ គឺនៅក្នុងចិត្តអ្នករាល់គ្នា។ ព្រះអម្ចាស់នឹងមិនសុំឱ្យអ្នករាល់គ្នា ការពារអ្វីដែលអ្នករាល់គ្នាបានទទួលពីទ្រង់ទេ ប្រសិនបើមិនមានលទ្ធភាពនៃការបាត់បង់វាទេនោះ។ ជាឧទាហរណ៍ មនុស្សបានទទួលការព្យាបាល ហើយពេលវេលាបន្ទាប់មក ប្រហែលជាដោយសារការធ្វេសប្រហែស អំពើបាប ឬការមិនជឿ ពួកគេក៏បាត់បង់ការព្យាបាលនោះ។
ក្នុងនាមជាគ្រីស្ទានម្នាក់ វាសំខាន់ណាស់ដែលអ្នករាល់គ្នានៅក្នុងព្រះបន្ទូល។ សូមចងចាំបន្ទូលរបស់ព្រះអម្ចាស់ «បើអ្នករាល់គ្នាស្រឡាញ់ខ្ញុំ ចូរកាន់តាមបញ្ញត្តរបស់ខ្ញុំចុះ» (យ៉ូហាន ១៤:១៥)។ តាមរយៈការរក្សាព្រះបន្ទូលទ្រង់ អ្នករាល់គ្នាបង្ហាញពីសេចក្តីស្រឡាញ់ របស់អ្នករាល់គ្នាចំពោះព្រះអម្ចាស់។ ជារៀងរាល់ថ្ងៃចូរផ្តល់ឱកាសសម្រាប់អ្នករាល់គ្នា ដើម្បីរស់នៅតាមព្រះបន្ទូល រក្សាសេចក្តីជំនឿ និងរក្សាការសារភាពរបស់អ្នករាល់គ្នា ថាព្រះយេស៊ូវជានរណា និងគ្រប់អ្វីដែលទ្រង់មានន័យសម្រាប់អ្នករាល់គ្នា។
គ្មានអ្វីគួរធ្វើឱ្យអ្នករាល់គ្នាបែមុខចេញពីទ្រង់ឡើយ។ ទ្រង់មួយអង្គគត់ពិតជាសំខាន់លើសអ្វីៗទាំងអស់។ ចូរការពារសេចក្តីស្រឡាញ់របស់អ្នករាល់គ្នាចំពោះទ្រង់ និងចំណង់ចំណូលចិត្ត របស់អ្នករាល់គ្នាចំពោះដំណឹងល្អចុះ។ ចូរបន្តផ្សព្វផ្សាយសេចក្តីស្រឡាញ់របស់ទ្រង់ ទៅកាន់អ្នកដែលនៅជុំវិញអ្នករាល់គ្នា ដែលមិនទាន់បានស្គាល់ទ្រង់។ ចូរបន្តបញ្ចុះបញ្ចូលគេ រហូតដល់ពួកគេ ទទួលបានសេចក្ដីសង្គ្រោះ។
សូមកុំឲ្យមានអ្វី ឈរនៅក្នុងផ្លូវនៃការបម្រើរបស់អ្នករាល់គ្នា នៅក្នុងដំណាក់នៃព្រះឡើយ។ សូមកុំទុកកន្លែងសម្រាប់បទល្មើស ការព្យាបាទ ឬភាពជូរចត់ឡើយ។ ហេព្រើរ ១២:១៥ ចែងថា៖ «ហើយត្រូវប្រយ័តឲ្យមែនទែន ក្រែងមានអ្នកណាខ្វះខាងឯព្រះគុណនៃព្រះ ហើយមានឫសជូរចត់ណាពន្លកឡើង នាំឲ្យទំនាស់ចិត្ត រួចមានមនុស្សជាច្រើនបានស្មោកគ្រោក ដោយសារសេចក្ដីនោះ»។
មានគ្រីស្ទានមួយចំនួនដែលធ្វើបានល្អ ដោយស្រឡាញ់ព្រះអម្ចាស់ ហើយដឹកនាំអ្នកដទៃទៅរកព្រះគ្រីស្ទ ប៉ុន្តែភ្លាមៗនោះបានក្លាយជាត្រជាក់ ហើយថែមទាំងឈប់ទៅព្រះវិហារ ដោយសារមាននរណាម្នាក់ធ្វើបាបពួកគេ។ ទេ! កុំឲ្យអ្វីពន្លត់ភ្លើងរបស់អ្នករាល់គ្នាឡើយ។ កូល៉ុស ៣:២៣-២៤ ចែងថា «ហើយទ្រាំទ្រគ្នា ទាំងអត់ទោសទៅវិញទៅមក បើអ្នកណាមានហេតុទាស់នឹងអ្នកណា នោះចូរអត់ទោសឲ្យគេចុះ ដូចជាព្រះគ្រីស្ទបានអត់ទោសឲ្យអ្នករាល់គ្នាដែរ។ ចូរបន្ថែមទាំងសេចក្ដីស្រឡាញ់ថែមទៀត ជាចំណងនៃសេចក្ដីគ្រប់លក្ខណ៍»។
ទីបញ្ចប់នៃអ្វីៗទាំងអស់ គឺជិតមកដល់ហើយ។ ចូររក្សាចំណង់របស់អ្នករាល់គ្នាចំពោះព្រះអម្ចាស់ ហើយបន្តបង្កើតផលផ្លែនៃសេចក្ដីសុចរិតចុះ។ មានមកុដនៃសិរីល្អកំពុងរង់ចាំអ្នករាល់គ្នានៅទីបញ្ចប់។
#សេចក្ដីអធិស្ឋាន
ឱព្រះវរបិតាអើយ សូមអរព្រះគុណទ្រង់ ចំពោះសេចក្តីស្រឡាញ់ដ៏គ្មានព្រំដែន ដែលទ្រង់បានចាក់ចូលក្នុងដួងចិត្តយើងរាល់គ្នា ដោយព្រះវិញ្ញាណបរិសុទ្ធ។ កូនការពារសេចក្តីស្រឡាញ់នេះដោយឧស្សាហ៍ រក្សាការផ្តោតអារម្មណ៍របស់កូនលើទ្រង់ និងព្រះបន្ទូលរបស់ទ្រង់។ កូននៅខ្ជាប់ខ្ជួនក្នុងការបម្រើរបស់កូន ចំពោះអ្នករាល់គ្នា ជៀសវាងការរំខាននិងការប្រមាថ។ កូនមិនទុកកន្លែងសម្រាប់កំហឹង ការព្យាបាទ ឬភាពជូរចត់ឡើយ ប៉ុន្តែកូនដើរក្នុងសេចក្ដីស្រឡាញ់វិញ។ កូនបានផ្សព្វផ្សាយសេចក្តីស្រឡាញ់របស់ទ្រង់ និងដំណឹងល្អដល់មនុស្សទាំងអស់ ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ យ៉ាកុប ១:២២ កាឡាទី ៦:៩ និង ទីតុស ២:១១-១២ (ការកើតជាថ្មីកម្ពុជា)
9 июл 2024