ថ្ងៃទី៦ ខែកក្កដា ឆ្នាំ២0២៤នេះ ក្រុមដំណេីរខ្មែរ បានធ្វេីកិច្ចសម្ភាសន៍លំអិតអស់រយៈពេល៣ម៉ោង ជាមួយលោកស្រី ម៉ី ផាសូរី មានជន្មាយុ ៧៧ឆ្នាំ ដេីម្បីកត់ត្រារឿងរ៉ាវសាវតាក្រុមគ្រួសារលោកស្រី និងប្រវត្តិសាស្រ្តព្រឹត្តិការណ៍សំខាន់ដែលលោកស្រីបានដឹង។
លោកស្រី ម៉ី ផាសូរី មានខ្សែត្រកូលត្រូវជាចៅទួតឧកញ៉ា ពិភិតឥសូរ គជសារ មុី ឧត្តមក្រុមពាហុស័ក្ត១០ហូពាន់ ត្រួតក្រុមដំរី និងលោកជំទាវ ភីយ៉ុង (កូនស្រីសម្តេចព្រះឃ្លាំងនង) ខាងឪពុក ហេីយក៏ត្រូវជាចៅទួតអ្នកឧកញ៉ាសួគ៌ាឃ្លោក សួស ខាងម្តាយ។
ប្រវត្តិរឿងរ៉ាវទាំងនេះ ក្រុមដំណេីរខ្មែរនឹងចងក្រងរក្សាទុកជាមរតកប្រវត្តិសាស្រ្ត។
បេីកូនខ្មែរជំនាន់ក្រោយមិនព្យាយាមចងក្រងសាវតាទាំងនេះទុកទេ មុខជាត្រូវបាត់បង់ទៅដោយប្រយោល ខណៈដែលប្រទេសជាប់របងជាមួយយេីង កំពុងចង់យកទៅធ្វេីជារបស់ខ្លួន បេីសូម្បីតែជេីងសក់ក៏ដោយ។
6 июл 2024