អ្នកមីង សាន យឿន ជាអ្នកចម្រៀងនៅសម័យប៉ុលពត ។ តាមការរៀបរាប់របស់អ្នកមីងបានឲ្យដឹងថា បទចម្រៀងជាច្រើនបទដែលអ្នកមីងច្រៀងនៅសម័យប៉ុលពត គឺមិនក្រោមពី២០០បទឡើយ ហើយអ្នកមីងក៏បានចេញសំដែងតាមកម្មវិធីនានារបស់អង្គការនេះមិនតិចជាង300កន្លែងឡើយ ។
គួរឱ្យសរសើរគាត់ណាស់ ដែលអ្នកមីងបានលាក់មុខលាក់សម្លេងយ៉ាងស្ងប់ស្ងាត់អស់ជាង៤០ឆ្នាំ ចាប់តាំងពីឆ្នាំ១៩៧៩រហូតមកដល់ពេលបច្ចុប្បន្ននេះ ហើយអ្នកស្តាប់ភាគច្រើនណាស់តែងតែចង់ដឹង ចង់ឃើញ ចង់លឺដោយផ្ទាល់នៅពេលបានស្តាប់បទចម្រៀងរបស់អ្នកមីងម្តងៗ ពិសេស អ្នកដែលធ្លាប់រស់នៅក្នុងរបបប៉ុលពត ដោយម្នាក់ៗតែងតែចោទសួរដោយងឿយឆ្ងល់ថា ហេតុអ្វីក៏បទចម្រៀងនៅសម័យនោះច្រៀងកញ្ឆក់ៗស្ទើរតែគ្រប់បទបែបនេះ ឬគេដឹកនាំឱ្យច្រៀងបែបនឹង ហើយតើសព្វថ្ងៃនេះអ្នកចម្រៀងទាំងនោះនៅរស់ដែរឬទេ មុខមាត់ និងរូបរាងបែបណា?
អ្នកមីង សាន យឿន សព្វរស់នៅប្រកបមុខរបរជាអ្នកស្រែចំការ ស្ថិតនៅភូមិទី៦ ឃុំតានួង ស្រុកកោះសូទិន ខេត្តកំពង់ចាម គិតមកដល់បច្ចុប្បន្ននេះ (ឆ្នាំ២០២២) អ្នកមីងមានអាយុ៦៧ឆ្នាំ ។
សម្រាប់ខ្ញុំ ខ្ញុំគិតថា បទចម្រៀងសម័យប៉ុលពត ប្លែកបែបម្យ៉ាងដែរ គឺចែកដាច់ពីគេស្រឡះតែម្តង មិនអាចច្រឡូកច្រឡំបទភ្លេង និងបទចម្រៀងណាមួយឡើយ---
សូមអរគុណ!
17 июл 2022
