វីដេអូឯកសារ នៃកិច្ចប្រជុំសភាលើកទី១ នីតិកាលទី១ ឆ្នាំ១៩៩៣ ស្តីពីច្បាប់ថវិកា។ ក្នុងវីដេអូនេះ មានបទអន្តរាគមន៍របស់លោក ឈាង វ៉ុន សម្តេចតេជោ ហ៊ុន សែន និងលោក ចែម ស្ងួន។
វីដេអូនេះ ត្រូវបានចែកចាយដោយសម្តេចតេជោ ហ៊ុន សែន ប្រធានព្រឹទ្ធសភា។ សម្តេចតេជោ បានបញ្ជាក់ថា វីដេអូនេះ គឺសម្តេចចង់បង្ហាញដោយសង្ខេបនូវការតស៊ូមតិនៅក្នុងការប្រជុំដំបូងរបស់រដ្ឋសភាកាលពីថ្ងៃទី១៨ ខែវិច្ឆិកា ឆ្នាំ១៩៩៣ នៃកិច្ចពិភាក្សាលើថវិកាសភា ឬនិយាយឲ្យស្រួលស្តាប់ គឺប្រាក់ខែសមាជិកសភា។
សម្តេចតេជោ បានបញ្ជាក់ថា ការពិភាក្សាមានរយ:ពេល ២ម៉ោង ៤២នាទី តែសុំសង្ខេបមកត្រឹម១ម៉ោង ២២នាទី ដោយលើកយកតែមតិរបស់សម្តេច លោក ចែម ស្ងួន និងលោក ឈាន វ៉ុន ដែលទាំង ៣នាក់សុទ្ធតែជាថ្នាក់ដឹកនាំគណបក្សប្រជាជនដូចគ្នា។
សម្តេចតេជោ បានបង្ហាញក្តីសង្ឃឹមថា ក្រោយការមើល និងស្តាប់មតិរបស់សម្តេចដែលតស៊ូមតិក្នុងវីដេអូនេះរួចទៅ ជនរួមជាតិនឹង
កាន់តែយល់ពីសម្តេច ដែលតស៊ូយ៉ាងណាទំរាំមានថ្ងៃនេះ៕
1 июл 2024
