វិស័យទេសចរណ៍កម្ពុជា គ្រាន់តែប្រាក់ចំណូលពីទីផ្សារភ្ញៀវបរទេស មានទំហំ៣ពាន់លានដុល្លារកាលពីឆ្នាំ២០២៣ ប៉ុន្តែកាលពីឆ្នាំ២០១៩ មុនវិបត្តិកូវីដ-១៩ កម្ពុជារកចំណូលបានពីភ្ញៀវទេសចរណ៍បរទេសចំនួន ៦,៦១លាននាក់ បានប្រាក់ចំនួនដល់ទៅ ៤,៩ពាន់លានដុល្លារឯណោះ ឬស្មើជាង ១២% នៃទំហំ GDP។ រដ្ឋាភិបាលកំពុងអនុវត្តគោលនយោបាយសម្រេចគោលដៅទាក់ទាញភ្ញៀវទេសចរណ៍បរទេសឲ្យបាន ៧លាននាក់នៅឆ្នាំ២០២៥ខាងមុខនេះ ខណៈក្រុមហ៊ុនក្នុងស្រុកធំៗកំពុងតែវិនិយោគសង់ព្រលានយន្តហោះ អភិវឌ្ឍតំបន់ទេសចរណ៍ទាំងធម្មជាតិ និងសិប្បនិមិត្ត យីហោសណ្ឋាគារប្រណិត និងល្បីៗក្នុងពិភពលោកបានចូលមកកម្ពុជាជាបន្តបន្ទាប់ ព្រមទាំងឃើញមានក្រុមហ៊ុនអាកាសចរណ៍អន្តរជាតិបានមកបោះទីតាំង និងតភ្ជាប់ជើងហោះហើរត្រង់រវាងប្រទេសយើងផងដែរ។
ទីផ្សារក្នុងវិស័យទេសចរណ៍កម្ពុជាត្រឹមពាក់កណ្ដាលឆ្នាំ២០២៤នេះនៅមិនទាន់វិលទៅដូចឆ្នាំ២០១៩នៅឡើយ ប៉ុន្តែផ្អែកលើអ្វីដែលយើងបានដឹង ពីបច្ចុប្បន្នទៅដល់ឆ្នាំ២០៣០ នឹងមានរលកទីផ្សារថ្មីៗត្រូវបានបញ្ចេញ ហើយទំហំទីផ្សារនេះត្រូវបានគេប៉ាន់ស្មានថានឹងឡើងដល់លើស ១០ពាន់លានដុល្លារនៅ៥ឆ្នាំក្រោយ។ ផ្អែកលើទំហំទីផ្សារនេះ គឺធំណាស់សម្រាប់អ្នករកស៊ី តើនរណាខ្លះដែលសម្លឹងឃើញឱកាសពីអនាគតរបស់វាត្រឹមឆ្នាំ២០៣០?
-----------------------------
Business / Sponsor Inquiries:
Telegram: 099 551 652
or t.me/bunthongran
-----------------------------
☕☕In case you want to buy us Coffee, but don't know how☕☕
ABA💲: 001 481 470
Acleda💲: 061 296 297
-----------------------------
#PoipetInsider #Cambodia2030 #វិស័យទេសចរណ៍ #Tourism #Cambodia #សេដ្ឋកិច្ចកម្ពុជា #AngkorWat #CambodiaTouristDestination #VisitCambodia #VisitSeamReap #Economic #Business #MarketOpportunities #ឱកាសទីផ្សារ #អនាគតកម្ពុជា
20 май 2024