ស្រីៗឥឡូវ - ច្រៀងដោយ លោក ស៊ីន ស៊ីសាមុត (អធិរាជសម្លេងមាស)
១. ស្រីៗឥឡូវ មិនដូចពី..ដើមទេ
សម័យយ៉េៗ ចិត្តស្រីប្រែ..មិនទៀង
អ្នកណាចាប់ បានបើចិត្តស្រីដូចទឹកភ្លៀង
ឱ ! នាងអើយនាង ដូរស្នេហ៍ជាង សំពត់អាវ។
២. ខ្ញុំឃើញស្រីល្អ ចង់អង្វរ..សុំស្នេហ៍
តែមិនហ៊ានទេ មិនហ៊ានទេ..សែនខ្លាច
ស្រីៗឥឡូវ គិតៗទៅដូចបីសាច
គួរឱ្យខ្លាច ខ្លាចជាងខ្លាទៅទៀតផង។
៣. បើ..ក្រប្រាក់ក្រស្នេហ៍
ស្រីៗឆ្លើយទេ ទេៗៗ ទេមិនលែង
ថ្វី..បើរូបយើងក្មេង ក្មេងយ៉ាងណា
តែគ្មានប្រាក់ គឺ ចាស់ហើយ។
៤. គេថារូបខ្មៅ តែប្រាក់ស ច្បាស់ណាស់
គេថារូបចាស់ តែប្រាក់ក្មេង ក៏ត្រូវ
យេៗៗៗ ៗៗៗ ស្រីឥឡូវ
ប្រយ័ត្នទៅ គេលក់ស្នេហ៍ ដូចទំនិញ។
និពន្ធទំនុកច្រៀង៖ កវី ...
និពន្ធបទភ្លេង៖ លោក ...
សម្រួលតន្រ្តី៖ លោក ...
17 окт 2024
