ទីក្រុង Kyiv បានប្រកាសកាលពីថ្ងៃព្រហស្បតិ៍ថា ខ្លួនបានរឹបអូសកប៉ាល់ដឹកទំនិញបរទេស និងឃុំខ្លួនប្រធានក្រុមរបស់ពួកគេ ដោយចោទប្រកាន់ថា កប៉ាល់នេះបាននាំចេញគ្រាប់ធញ្ញជាតិរបស់អ៊ុយក្រែនដោយខុសច្បាប់ ពីឧបទ្វីបគ្រីមៀ។
ចាប់តាំងពីការកាន់កាប់ដីកសិកម្មដោយរុស្ស៊ីនៅអ៊ុយក្រែន កាលពីដើមឆ្នាំ 2022 ទីក្រុង Kyiv បានចោទប្រកាន់ទីក្រុងមូស្គូពីបទប្រមូលផល និងដឹកជញ្ជូនគ្រាប់ ធញ្ញជាតិដោយខុសច្បាប់ពីដែនដីដែលពួកកាន់កាប់ទៅកាន់ប្រទេសទីបី។
ការិយាល័យអគ្គរដ្ឋអាជ្ញាអ៊ុយក្រែនបានរាយការណ៍ថា ខ្លួនបាន "រឹបអូស" នាវាបរទេសនៅក្នុងតំបន់ Odesa ។ ដែលកប៉ាល់នេះ ពីមុនបាននាំចេញ ផលិតផលកសិកម្មតាមរយៈកំពង់ផែ Sevastopol ដែលជាបន្ទាយយោធាដ៏សំខាន់សម្រាប់ប្រទេសរុស្ស៊ីនៅសមុទ្រខ្មៅ។
សេវាសន្តិសុខនៃប្រទេសអ៊ុយក្រែន (SBU) បានបញ្ជាក់ ក្នុងសារដាច់ដោយឡែកមួយថា ពួកគេបានឃុំខ្លួនប្រធានក្រុមកប៉ាល់ ពីបទបំពានច្បាប់លើការចូលទៅ ក្នុងទឹកដីរបស់ខ្លួន។ ពួកគេក៏បានអះអាងផងដែរថា នាវា Usko Mfu បាននាំចេញគ្រាប់ធញ្ញជាតិដែលផលិតនៅភាគខាងត្បូងនៃប្រទេសអ៊ុយក្រែន។
10 июл 2024