នៅថ្ងៃអង្គារទី៤ ខែមិថុនា ឆ្នាំ២០២៤ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បាននាំយកអំណោយមនុស្សធម៌ជូនដល់អ្នកមីង ឯក សារ៉ូ អាយុ៥៣ឆ្នាំ មុខរបររុញរទេះអេតចាយ ជើងពិការដោយសារជាន់មីនកាលពីអាយុ១៨ឆ្នាំ មានកូន៣នាក់ បើតាមការបញ្ជាក់ពីអ្នកមីងថាកូនៗមិនទទួលស្គាល់អ្នកមីងជាម្ដាយឡើយ មានជីវភាពរស់នៅខ្វះខាតខ្លាំង ខណៈបច្ចុប្បន្នសល់ជើងម្ខាងកំពុងឈឺ មិនអាចប្រកបមុខរបរបាន រស់នៅផ្ទះជួលស្ថិតនៅភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
អំណោយផ្តល់ជូនអ្នកមីងរួមមាន ៖ អង្ករ ២៥គីឡូក្រាម, មី ១កេស ទឹកត្រី ១យួរ, ត្រីខ ១០កំប៉ុង ឃីត (មុង ភួយ សារុង ក្រមា) ១កញ្ចប់ និងថវិកា ៣០ម៉ឺនរៀល៕
21 окт 2024