​​නව​ ​ගිවිසුමේ​ ​හසුන්​: ​ඓතිහාසික​ ​සන්දර්භය​ NT Letters: Historical Context 

අළුත් ගිවිසුමේ ලිපි, බයිබලයේ වඩාත් ප්‍රවේශ විය හැකි හා පහසුවෙන් කියවිය හැකි කොටස් කිහිපයකි. ඒවා ලියන ලද්දේ, යේසුස් වහන්සේ පිළිබඳ සුභ ආරංචිය පුරාතණ ලොව පුරා පතල කරන පිණිස තෝරා පත් කරන ලද, උන්වහන්සේව නියෝජනය කළ, මුල් කිතුනු අපෝස්තුළුවරුන් විසිනි. ඒවා වලින් ආම්න්ත්‍රණය කරන්නේ “ඔබට” නිසා, ඕනෑම පාඨකයෙක්ට දැනෙන්නේ, යේසුස් වහන්සේට හුඟක් ළඟින් සිටි අය, තමාට කතා කරන සෙයිනි. මෙය කෙතරම් හොඳද? එනමුත් අපි මේ ලිපි දිගටම කියවන විට, සිතට තදින් කාවදින කොටස් (1 කොරින්ති 2 පරිච්ඡේදයෙහි කුරුසියේ පණිවිඩයේ ඇති මෝඩ ප්‍රඥාව ගැන පාවුල් තුමා කරන විස්තරය), ප්‍රහේලිකාත්මක කොටස් (1 කොරින්ති 11 පරිච්ඡේදයෙහි කොණ්ඩා මෝස්තර පිළිබඳ පාවුල් තුමාගේ සාකච්ඡාව) සහ එපාවෙන කොටස්ද (1 පේතෘස් 2-3 පරිච්ඡේදයෙහි කීකරු වහලුන් හා භාර්යාවන් පිළිබඳ පේතෘස් තුමාගේ විග්‍රහය) ඇති බව අපට පෙනී යනු ඇත. මෙබඳු කොටස් කියවන නූතන පාඨකයින්ට මතක් කර දෙන්නේ, මේවා අපට වඩා හාත්පසින්ම වෙනස් භාෂාවකින් හා සංස්කෘතියක ලියන ලද පුරාතණ ලිපි බවයි. අළුත් ගිවිසුමේ ලිපි ප්‍රඥාවන්තව කියවීමටත්, අපගේ යුගයට ඒවා බලවන්ත ලෙස කතා කරන අන්දම දැක ගැනීමටත් හැකි වන්නේ, ඒවා ඓතිහාසික පසුබිමට අනුකුලව කියවීමෙන් පමණකි. ලෝකයට උත්ථාන වූ රජු ලෙස යේසුස් වහන්සේගේ සුභ ආරංචිය ප්‍රකාශ කළ අපෝස්ළුවරු, මිනිසුන් වගේම ප්‍රජාවන්ද වෙනස් කිරීමේ හැකියාව එම පණිවුඩයට ඇති බව විශ්වාස කළහ (කොලොස්සි 1-3 සහ එපීස 2-4 හි පාවුල් තුමා විසින් මෙම තේමාව පිළිබඳව කරන විස්තරය බලන්න). එහෙත්, ඔවුන් පළමු ශතවර්ෂයේ රෝම ලෝකයේ ජීවත් වූ නිසා, ඔවුන් ලියන ලද විශේෂිත සංස්කෘතික ගැටළු සහ අභියෝග අද අපගේ ගැටළු වලට සම කළ නොහැකිය. මේ නිසා, අපෝස්ළුවරු කී දේ පැවසුවේ මන්දැයි තේරුම් ගන්න, අපට පුරාතණ රෝම අධිරාජ්‍යය ගැන යමක් ඉගෙන ගැනීමට සිදුවේ. ලිපියක් ලියා යැවීමට හේතු වූ එක් එක් සභාවේ තත්ත්වය තේරුම් ගැනීමට, සෑම ලිපියක්ම හොඳින් විමසා බැලීමටද සිදුවේ. රෝමවරුන්ට ලියන ලද ලිපිය පාවුල් තුමා ලියුවේ, සංස්කෘතිකවත් ජනවාර්ගිකවත් බෙදී සිටි සභාවකට බවත්, යේසුස් වහන්සේව අනුගමනය කිරිම සම්බන්ධයෙන් ලජ්ජාවට හා පීඩාවට බඳුන් වූ සභාවකට පේතෘස් තුමා ලිපි ලියූ බවත්, දුටු විට අපට මෙම ලිපි තේරුම් ගැනීමට පහසු වනු ඇත. මේ ලිපි හරහා අපෝස්තුළුවරු තම යුගයේ අභියෝගත්, මළවුන්ගෙන් නැගිටුණු යේසුස් වහන්සේ ලෝකයේ ම රජ ය යන සුභාරංචිය තුළින් තරණය කළ අන්දමත් අපට දැක ගත හැක. අදත් යේසුස් වහන්සේ සියළු ජාතීන්ගේ රජ නම්, අද අපගේ යුගයට හා සංස්කෘතියට සුවිශේෂී කාරණා අප විසින් ආමන්ත්‍රණය කළ යුත්තේද එම පණිවිඩයෙන්මය. මේ සඳහා මඟ පෙන්වීමට යේසුස් වහන්සේ වටා සිටි අයට වඩා සුදුස්සන් තවත් සිටීද? ඒවායේ ඓතිහාසික පසුබිම තුළ කියවන විට, ඕනැම පරම්පරාවක ජීවත් වන යේසු අනුගාමිකයින්ට අපෝස්ළුවරුන්ගේ පුරාතණ වචන වල දිව්‍ය මඟ පෙන්වීම ඇත.

very important video thanks.God bless you

Harima lasaanai tawa Karanna me wage vedio, Peace be with all of you. Jp