කුඩා කල සිටම මා මනස කැලඹූ 'සැබවින්ම මා කවුද' (Who I truly am?) යන පැනයට පිලිතුරක් සෙවීමට විසි වසරකට ආසන්න කාලයක් තුල මම ඉමහත් පරිශ්රමයක් දැරැවෙමි. මෙම කාලය තුල මා පරිශීලනය කර ඇති අධ්යාත්මික හා එම විෂය සම්බන්ධව ලියවුනු පොත් පත් ගණන සියයකටත් අධිකය. මනස ඉතා දියුණු ජීවීන්, අප මිනිස් මනස හා නාලිකා ගත කරගනිමින් නැතහොත් සුසර කරගනිමින්(Channeled Books) ලේඛන ගත කොට ඇති 'A course in Miracles’ සහ ‘Law of One’ ආදී පොත් පත්ද බොහොමයක් මෙකල තුල මට කියවීමට හැකිවිය. විවිධ ස්වාමීන් වහන්සේලා ඇසුරෙහි ඉදිමින් බුදු දහමද, බයිබලය සහ ඒ ආශිත දේශණ ඇසුරින් කිතුනු දහමද,දාවෝවාදය(Taoism), යුදෙව් ගුප්තවාදී (Jewish Mysticism)දහමක් වන 'කබ්බලාහ්' (Kabbalah)ද, හින්දු දහමෙහි ඉගැන්වීම් ඇතුලත් අද්වේත වේදාන්ත සහ උපනිෂද් ඇතුළු භගවත් ගීතාවලියද, රමනා මහර්ෂි, නිස්සන්ගදත්ත මහරාජ්, ස්වාමි විවේකානන්ද, පපාජි, මෝජි ඇතුලු ඉන්දීය සාධුවරැන්ගේ 'ඒකාත්මික ඉගැන්වීම්' (Non dualistic teachings) පිළිබදවද, මෙම 'පරම සත්යය' (Eternal Truth) අවබෝධ කරගත් නැතහොත් 'විශ්වීය ඥානය' (Universal Intelligence) අවධි කරගත් විවිධ ශාස්තෘවරැන්ගේ ඉගැන්වීම්ද ප්රත්යක්ෂයෙන් අවබෝධ කර ගැනීමට මගේ සියලු වෘත්තීය කලා කටයුතූ පසෙකලා ඉමහත් කාලයක් වැය කරමින් අතිශය වීර්යයක් දැරෑවෙමි. කොන්ටම්වාදය (Quantum Theory), පාර භෞතික විද්යාව (Meta Physics), සමාන්තර විශ්වයන් (Parallel Universe) ඇතුලු විශ්වයේ ක්රියාකාරිත්වය පිලිබද සියලු විද්යාත්මක විග්රහයන් ඇසුරින් මිනිස් විඥානය (Human Consciousness) පිලිබදවද, අප අත්දකින මේ 'යතාර්ථය' (Reality) පිලිබදවද අවබෝධ කරගැනීමට උත්සාහ ගත්තෙමි. මේ සියලු උත්සාහයන්ගේ ප්රතිපලයක් ලෙස මාගේ මේ ආත්ම ගවේෂණයේ යම් ගමනාන්තයකට මා පැමිණ ඇති බව මා හට දැන් හැඟේ. ඒත් මා මෙසේ ලබාගත් මේ සියලුදෑම සමස්ථ දැනුම් සම්භාරයම මාගේ ආත්මීය චාරිකාවේ ගමනාන්තයට ලගාවීමට මා හට විශ්වය විසින්ම ලබාදුන් 'මාර්ග සිතියමක්' පමනක්ම බව මම දනිමි. බුදු රජානන්වහන්සේ දේශනා කර ඇති අයුරින් 'ධර්මය නැමති පහුර' අවශ්ය වෙන්නෙ සසරෙන් එගොඩ වීම සදහා පමනක් බව මට සාක්ෂාත් විය. අවසන 'පහුරද අත හැරිය යුතුය බව උන් වහන්සේ තවදුරටත් දේශණා කර ඇත්තෙ. මේ සියලු සංකල්ප, දැනුම් සම්භාරයන් පසෙකලා හිස්කල මනසක් තුලට 'විශ්ව දහමේ ගැඹුරැ යතාර්ථය‘ (Deep truth and the reality of the universe), නැතහොත් ‘සදාකාලික සත්යය' (Eternal Truth) ක්රමයෙන් ඇතුල් වෙනු ඇත. එවිට විශ්වයේ අසීමිත බලයෙන් (Unlimited Universal Power) ඒ මනස පිරී ඉතිරී යනු ඇත. එවිට එම තැනැත්තා 'විශ්වීය මනසක' (Universal Conciseness) හිමිකරු බවට 'පත්වීම් ලබයි'. එවන්වූ නිදහස් මනසක 'හිමිකම' අතිශය ආශ්වාද ජනකයි. අතිශය සුන්දරයි. අතිශය වින්දනීයයි. වචනයේ පරිසමාප්ත අර්ථයෙන්ම විශ්මය ජනකයි. එසේ නම් එවන් වූ විශ්වීය මනසකට හිමිකම් කියන්නට අපිත් සැරසෙමු!
-චන්න පෙරේරා
Cameraman;
Nalin Sanjaya Suraweera
Editor;
D.W. Bosiri Subhasinghe
Asst.Editor;
Santhiyago Pasindu Rasan
Visual Effects & Titles;
Kavitha Salgadu
Colorist;
Dilan Gunawardhana
Sound Effects;
Diran Wijayasinghe
Coordinator;
Rohana Wijerathne
8 сен 2024