Ақ көңілдей ақ шұға,
Алау атып жаулығың.
Апа, қалың жақсы ма?
Мықты ма денсаулығың?
Қайырмасы:
Он оралып ойыңа,
Былтыр ұшқан бір құсың.
Қара жолдың бойына,
Қарай-қарай жүрмісің?
Барам апа көктемде,
Жаңбыр сеуіп өткенде.
Алтай алқа таққанда,
Бұлақ сылдыр қаққанда.
(2 рет толық шумағын)
Тағат таппай елеңдеп,
Күткендей боп жыл құсын.
Ұлың қашан келер деп,
Алаң болып жүрмісің?
Қайырмасы:
Аман-есен ұлың жүр,
Бір серпілсін сағыныш.
Бүгін кешке, апатай,
Қою шайды қанып іш.
Қайырмасы:
Барам апа көктемде,
Жаңбыр сеуіп өткенде.
Алтай алқа таққанда,
Бұлақ сылдыр қаққанда.
(2 рет толық шумағын)
Келем, апа, көктемде.
21 авг 2024