“Boysun bahori”ga tayyorgarlik 

Shu yilning may oyida oʻtkaziladigan “Boysun bahori” ochiq folklor festivali uchun boysunlik hunarmandlar tomonidan uzunligi 31, eni 5.20 metrni tashkil etadigan milliy soʻzana tayyorlanmoqda. Uni tikishda vohaga xos boʻlgan qadimgi kashtachilikning toʻldirma yoʻnalishidan foydalanilayotgan boʻlib, tikishdan tortib qavishgacha boʻlgan barcha jarayonlar qoʻlda bajarilmoqda.
Bundan tashqari, bu yilgi “Boysun bahori”gacha 28 metrli tabiiy gilam ham toʻqib bitkazilishi rejalashtirilgan. Surxondaryoliklar madaniy merosimizning bu ikki ajoyib namunasini yaratish orqali festivalga tashrif buyuruvchi xorijiy va mahalliy sayyohlarning eʼtiborini qozonishni, ularni hayratga solishni maqsad qilishgan.