Hozirgi kunda odamlar orasida "qora ro‘yxatga tushganim uchun bank kredit bermayapti", - degan gaplar tez-tez qulog‘imizga chalinmoqda.
Haqiqatan ham bank tomonidan "qora ro‘yxat"ga tushish mumkinmi?!
Aslida bank tizimida “qora ro‘yxat” tushunchasi mutlaqo mavjud emas.
Mazkur tushuncha yetarli bilim va malakaga ega bo‘lmagan ayrim bank xodimlari tomonidan kredit arizasini ko‘rib chiqish jarayonida ilgari olingan yoki joriy krediti bo‘yicha to‘lovlarni kredit shartnomasida belgilangan muddatlardan kechiktirib to‘lagan fuqarolarga “qora ro‘yxatga tushib qolgansiz” deb noto‘g‘ri izoh berishi oqibatida vujudga kelmoqda.
Aslida ushbu holat fuqaroning “kredit tarixi” ma’lumotlari bilan bog‘liq bo‘lib, unda kreditlar qachon, qancha miqdorda va qayerdan olinganligi, keyin qanday qaytarilganligi va buni kim so‘ragani to‘g‘risidagi ma’lumotlar mavjud.
Siz esa bularning barchasini my.gov.uz ning kredit tarixi bo‘limidan osongina olishingiz mumkin!
Xabar.uz 2022
Telegram: t.me/xabaruzofficial
Twitter: xabaruzofficial
Facebook: xabar.uz
Instagram: xabar.uz
27 сен 2022
