“VUĊI UNIKA LI QATT M’HU SE NERĠGĦU NISIMGĦU BĦALHA” 

ONE.COM.MT • Tħabbret il-mewt ta’ Tony Camilleri magħrufa bħala l-Bayzo fl-età ta’ sebgħin sena. Kemm bħala solista, kif ukoll meta kien wieħed mill-mużiċisti u kantant ewlenin tal-grupp The Malta Bums, il-Bayzo dejjem saħħar lill-udjenzi kbar li kien ikollu quddiemu bil-vuċi unika tiegħu. Huwa jibqà mfakkar għas-sehem tiegħu fir-rock opera Ġensna. Il-kollega Claire Azzopardi tkellmet mad-Direttur ta’ Ġensna Joe Galea u mal-kantanta MaryRose Mallia li qasmu magħna l-memorja mill-isbaħ ta’ dan ir-raġel umli u mfawwar bit-talent.