Prezident Shavkat Mirziyoyev 2021-yil 19-fevral kuni Namangan viloyatiga tashrifi chogʻida Namangan shahrining “Bunyodkor” mahallasida boʻlib, hududda sharoit ogʻirligi ortidan shahar hokimi va prokuroriga tanbeh bergandi. Davlat rahbari tashrifidan keyin viloyat hokimi Shavkat Abdurazzoqov oʻsha mahallada yashashini atgan va hududda konteynerli uy qurdirgan. Oradan 2 oy oʻtib, 24-aprelda Namangan shahri tarkibida Yangi Namangan tumani tashkil etilgan va “Bunyodkor” mahallasi yangi tuman hududida qoʻshilgan. “Daryo” muxbiri prezident tashrifidan bir yil oʻtib mazkur mahallada nimalar oʻzgargani haqida Yangi Namangan tumani hokimi Jobir Abdullayev bilan suhbatlashdi.
“Davlatimiz rahbari 2021-yil fevralda viloyatimizga tashriflari chogʻida “Bunyodkor” mahallasiga kelgandilar. U paytda koʻchalardagi devorlar tushib ketgan, nurab yotgan binolarga qarab boʻlmasdi. Yoʻllar yomonligidan prezident bu yerga 45 daqiqada chiqib kelgandi. Shavkat Mirziyoyev hudud holatini koʻrib, tanqidiy fikrlarini bildirganlar”, - deydi tuman hokimi.
11 апр 2022
