„ევროპის ჩემპიონატის სენსაცია არის საქართველოს ნაკრები” - არჩილ არველაძე 

საქართველოს ფეხბურთის ეროვნული ნაკრები ევროპის ჩემპიონატის მერვედფინალში გავიდა. ჯგუფური ეტაპის ბოლო შეხვედრაში საქართველოს ნაკრებმა ევროპის ჩემპიონატის ერთ-ერთი ფავორიტი პორტუგალიის ნაკრები 2:0 დაამარცხა.
ვილი სანიოლის გუნდმა F ჯგუფში 4 ქულა დააგროვა და მესამე ადგილი დაიკავა. საქართველოს ნაკრები 4 საუკეთესო მესამე ადგილოსანს შორის მოხვდა და მერვედფინალის საგზური მოიპოვა. ევრო 2024-ზე საქართველოს ნაკრების გამოსვლაზე ევრონიუს ჯორჯიას ეთერში საქართველოს ნაკრების ყოფილმა ფეხბურთელებმა არჩილ და რევაზ არველაძეებმა ისაუბრეს.