„ხალხი გვეკითხება: რას იზამს ოპოზიცია?“ - ხატია დეკანოიძე 

„რამდენიმე დღეში იქნება კვლევები, რომელიც იქნება გზამკვლევი კონკრეტული ოპოზიციური პარტიებისთვის. მე პირადად ძალიან ვენდობი რაოდენობრივ კვლევებს. ჩემი აზრით [პარტიების] გამსხვილება არის აუცილებელი“, - უთხრა ხატია დეკანოიძემ „ბათუმელებს“.
ოპოზიციონერმა ქალმა პარლამენტარებმა დაიწყეს კამპანია „პარლამენტარები ევროპული მომავლისთვის“. ისინი რეგიონებში დადიან, მოსახლეობას ხვდებიან და მათთან ერთად განიხილავენ თუ რა შედეგებს მოიტანს რუსული კანონი.
მსგავსი შეხვედრა ჰქონდათ დღეს ბათუმშიც.