سلام بنت الشلف. انا راني نصلي الفجر في وقته نقرا سورة البقرة ونستغفر ونقرا الاذكار بصح مانقدرش نوض على 5 لخطر راني ساكنا في بيت قصدير عندي غرفة ومطبخ صغير فيه قطر ولبرد يقتل معنديش الغاز منقدرشنشعل الضوء على ولاد ينوض نطلب منك تدعيلي انت ومشتركاتك ربي يفرج. عليا. بسكنا
انا كريمة من المدية شفت كامل الروتينات كيف كيف بصح انتي عندك نكهة خاصة كلامك صادق يدخل للصميم نحس صح راكي توصلي النصايح ومحتوااااك نضيييييف حنونتي ادعولي بالسكن راهم قريب يحطو القايمة يارب فرح اطفالي امنيتهم يرقدو في منزلهم ماتنساينيش اهدري عليا في قناتك باش يدعولي وربي يرزقك بتوام رباعي اميييييببببيييييييييييييين ياشلفاوية الحرة بنت الحرة
نتي ما عندك لولاد عندك الرضا و الايمان ب الله بزاف مايسعوهاش عندك العلم عندك الثقافة عندك التقوى عندك طاقة ربانية ربي يعطيك و يغنيك و يفرحك ب التوأم و يشدلك ف الوالدين
سلام أختي في الله بنت الشلف أنا لا أعرفك لكن عرفت فيك الأخلاق والآداب و التربية والعلم والثقافة والتواضع والخوف من الله جل وعلا فديوهاتك مفيدة جدا كلها دروس وعبر مليئة بالمبادئء والقيم والشعر والحكم واصلي هكذا سيجازيك الله الخالق الرازق بالصحة و الأولاد في الدنيا وفي الآخرة أجرا بغير حساب . ومن اليوم سأدعو لك الله بالرزق الحسن إنه القادر المقتدر . أختك في الله أستاذة متقاعدة .
سلام اختي يعطيك الصحة مشكورة على كلامك الطيب الجميل و الوصفات والشطارة الله يبارك صدقيني اختي سورة البقرة قريتها اكثر من سبعة مرات وختمت القرآن في رمضان خمس ختمات و الحمد لله نسءل الله الثبات لأن طريق الله جنة ونجاح وفوز عضيم جعلنا الله في طريق مستقيم شكر لك اختي تؤجرين على همساتكي
سلام ختي ديريلي جدول تحدي أنا امرأة متزوجة وعندي طفل معا تربية وعبادة ونكمل فاقرايتي فالدار ومام حبيت نبدا مشروع خياطة معرفتش كفاه نوفق بينهم كامل . وشكرا نستناك في اقرب وقت
خمس وخموس عليكم يا شاطرات تبارك الرحمن تعيشي اختي ديىرينا وصفة تاع سلق بتفصيل راهي تشهي وربي يعطيك صحتك ويشدلك في والديك وربي يجازيك على النصائح الجميلة
ختي بعطيك ربي صحتك نشا الله تحدي في القمة عندي برك ملاحظة باش الواحد يبدا قيام الليل وعلى ضربة بسورة البقرة جي شوي صعيبة لازم كي نبداو نبداو بالشوي باش واحد مايفشل لانو لي موش مالف يقرا القرآن يسمع بسورة البقرة يفشل ويتخلع يقول مانقدرش لانو يقدر يدير فيها ساعااااااات باه يكملها انا ننصح بالبدء باواخر المصحف احسن وكل يوم يقرأ بالصفحات مثال نبداو باربع صفحات من اواخر المصحف وتدريجيا نصل للحزب بعدها للجزء فاصعب شي هو البداية ومابالك ان كانت بشيء قد يراه البعض صعب....
يعطيك الصحة والعافية اختي والله وين كنتي من زمان معك معك معك في اي وقت وفي كل وقت كي كنت عزباء كنت نقوم الليل ومن تزوجت تقدري تقولي انشغلت واذا نضت على الخمسة ينوض من ورايا جيشي الصغير