✨現場實況:酒井法子港開騷💥邀黎瑞恩合唱日文歌🎌回憶93年改編《發現微笑》😊驚覺暴露年齡?😲|Viu1 現場實況
一連兩場《酒井法子My Dear香港演唱會2024》今晚喺旺角麥花臣場館演出尾場,酒井法子全晚獻唱多首首本名曲,仲用廣東話同fans打招呼:「大家好,我係酒井法子,多謝大家嚟到,終於等到今日!」博得全場掌聲!
酒井法子是夜請嚟黎瑞恩任嘉賓合唱《微笑みを見つけた》(發現微笑)及《ノ・し・な・いTeen-age》(無法參與的Teen-age),即係Vivian當年兩首歌《你知我想說什麼》同《自動消失Lonely Day》所改編嘅原曲!佢哋亦透過翻譯傾咗一陣偈,互讚之餘,酒井法子話今次第一次見Vivian就收到好大嘅果籃,當中好多日本生果添,Vivian笑話希望佢會有返啲歸屬感,叫佢多啲嚟香港,今次只嚟兩日太少咁話!Vivian講返翻唱《微笑みを見つけた》呢首歌係邊一年?同埋點解會翻唱?答案係1993年,佢驚覺變咗暴露年齡系列,酒井法子即笑言都係最近嘅事啫!講到Vivian用日文合唱,佢話其實唔識日文,都係靠拼音,唔知有冇唱錯,酒井法子即表示佢完全冇唱錯,而且唱得非常好!
酒井法子騷後接受訪問話順利完成個唱覺得非常感動開心!佢坦言花咗好多心機練國語同粵語,講到請Vivian做嘉賓,原來佢哋本身有聯絡,當佢一提出邀請,Vivian就答應,合唱完後覺得非常開心、好感動,仲送咗自己好好鍾意、日本朋友整嘅曲奇比Vivian!講返今次嚟香港,第一日落機就去睇Deadpool展,亦睇到香港夜景,覺得好靚好感動,至於今次個唱大成功,酒井法子大讚fans好滿分,佢好開心,希望有機會快啲再嚟喎,快啲click片睇酒井法子演唱會現場實況同足本版訪問啦!
#酒井法子 #黎瑞恩 #Vivian #發現微笑 #酒井法子My Dear香港演唱會2024 #Deadpool #Viu1娛樂新聞 #Viu #Viu煲劇平台 #現場實況 #Viu1娛樂新聞 #Viu1 #Viu #Viu煲劇平台
記得Subscribe Viu1HK嘅RU-vid Channel,Follow埋IG同Facebook page呀👇🏻
___________
►訂閱 Viu1HK RU-vid Channel: bit.ly/3lYFNLW
►追蹤 Viu1HK Instagram: / viu1hk
►讚好 Viu1HK Facebook page: / viu1hk
►觀看更多精彩內容:www.viu.com
11 окт 2024