✨足本訪問：Kelly準備藍寶石💍及結婚鑽戒送囝囝👩🏻 兩子傳承媽媽《無間道》做心理醫生？🧑‍⚕️ 義賣名貴靚袋關香港天氣事👜 會送包包俾新抱｜Viu1 現場實況 

✨足本訪問：Kelly準備藍寶石💍及結婚鑽戒送囝囝👩🏻 兩子傳承媽媽《無間道》做心理醫生？🧑‍⚕️ 義賣名貴靚袋關香港天氣事👜 會送包包俾新抱｜Viu1 現場實況
Kelly陳慧琳今日出席銀行宣傳活動，因為廣告主題係傳承，佢話結婚嗰陣老公送咗隻鑽石戒指俾佢，Kelly本來諗過買多隻可以傳承畀兩個仔一人一隻，不過諗諗吓如果兩個仔都唔結婚就送唔到，所以不了了之，咁橋佢爸爸從事珠寶行業，送咗隻藍寶石戒指畀佢，而家唔駛再買都可以一人一份，perfect！開通靚媽Kelly仲話如果仔仔將來唔結婚都無辦法，阿仔鍾意就得，最緊要佢哋開心！
講到傳承，除咗財富，Kelly仲傳承咗啲咩俾兩個仔，佢話係回憶，因為去親邊度老公都拎住部手機影住晒，好似十年前紅館演唱會，兩個仔仔有份上台，大仔有啲印象，細仔完全唔記得，而家睇返片先知！不過Kelly暫時睇唔到兩個仔仔有傳承到佢啲演藝細胞，阿仔興趣喺心理學方面，佢講笑話傳承到媽咪拍《無間道》做心理醫生，所以佢識睇自己眉頭眼額！
啱啱十月二號過咗結婚十六週年，Kelly竟然自己都唔係好記得，無乜點慶祝，只係老公當日係咁易提過吓，可能等二十週年先會搞返啲儀式喎！提到之前賣名貴手袋，Kelly話部份錢做慈善，部份就可能傳承畀啲仔，或者投資買金同鑽石等，佢嗰陣賣袋都有啲唔捨得，所以有呢個諗法嗰陣，都逼自己日日拎一個，不過撞啱當時排舞又唔方便拎，加上香港天氣潮濕，有人問所以就決定賣囉！Kelly自言投資袋呢方面好有眼光，通常一買就貶值，如果第時有新抱，唔會虧待佢哋，會買新嘅包包畀佢哋喎，快啲睇下Kelly呢個好奶奶足本訪問啦！
#Kelly #陳慧琳 #鑽石戒指 #無間道 #心理醫生 #名貴手袋 #現場實況 #足本訪問 #Viu1娛樂新聞 #Viu1 #Viu #Viu煲劇平台
記得Subscribe Viu1HK嘅RU-vid Channel，Follow埋IG同Facebook page呀👇🏻
_
►訂閱 Viu1HK RU-vid Channel: bit.ly/3lYFNLW
►追蹤 Viu1HK Instagram: / viu1hk
►讚好 Viu1HK Facebook page: / viu1hk
►觀看更多精彩內容：www.viu.com