《中年好聲音3》140位唱將正式登場 師兄師姐精選心水
全城矚目嘅大型歌唱真人騷《中年好聲音3》,今年共吸引超過6000名熱愛唱歌嘅朋友報名,經過多場海選,140位唱將正式登場,呢日香港賽區100強,再加上新馬賽區同大灣區賽區,各自20強嘅選手,齊集亮相會見傳媒,場面盛大。
多位中一中二嘅師兄師姐,亦都現身記招以示支持,連日嚟一班師兄師姐都有留意海選,支嚳儀話《Super Senior》嘅團隊,絕對係振奮人心,尤其呢個年紀仲有呢份熱誠,真係非常值得欣賞。顏米羔就話對Choco陳靜雯印象深刻,佢話覺得對方係一位充滿靈性嘅歌者,但又不擅於表達自己,所以米羔都期待呢個比賽,可以令佢蛻變。Venus所講嘅《Super Senior》組別當中,最年長選手就係年屆80歲嘅羅秀蘭以及區瑞強嘅胞弟,年屆65歲嘅區瑞明亦都順利入圍,羅秀蘭話自己經常保持心境開朗,加上熱愛唱歌,所以即使80歲都無老態,區瑞明就話哥哥之前已經對佢入圍有信心,仲話會絕對支持佢呀。
至於陳俞霏同沈宗賢當然各自特別關注嚟自大灣區同新馬賽區嘅選手,新馬賽區嘅20位嘅入圍者,亦都緊接要錄影節目出戰,節目《中年好聲音3之決戰新馬》9月1號將會播出,沈宗賢仲即場傳授減壓技巧比參賽者,至於俞霏就話會幫大灣區選手出謀,特別係造型衣著同歌曲方面。喺最後一輪海選中,為咗天上嘅囡囡而參賽嘅何家豪亦都有入圍,桃爸話好感激囡囡同學嘅家長,紛紛為佢送上鼓勵同支持。至於同老公一齊報名嘅視障人士朱麗萍,收到入圍通知時都喜出望外。入圍者亦不乏曾經出道、希望再續歌手夢嘅朋友,好似現職紋繡師鍾凱瑩、曾經同歌手劉以達組成樂隊嘅佢,因為失聰嘅爸爸而參加,而前男團Square成員趙浚承,希望透過參賽再進步自己嘅歌藝。
#中年好聲音3 #140強 #香港 #大灣區 #新馬 #賽區 #supersenior #顏米羔 #支支嚳儀 #陳靜雯 #羅秀蘭 #區瑞明 #陳俞霏 #沈宗賢 #中年好聲音3之決戰新馬 #何家豪 #朱麗萍 #鍾凱瑩 #前男團Square #趙浚承 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
11 сен 2024