資深演員李海生,因患類天皰瘡導致背脊潰爛,引發細菌感染,9月9日喺醫院病逝,享年83歲。海生叔效力TVB近40年,去年12月退休。海生叔遺孀向傳媒透露丈夫喺3個月前,患上類天皰瘡,並迅速蔓延全身,皮膚惡化致潰瀾流血,佢嘅家人雖然四出尋醫,仲搵專科每日花幾千蚊洗傷口,可惜情況未見好轉。
海生叔之後轉介到政府醫院繼續醫治,醫生甚至用嗎啡針,紓緩海生叔嘅痛楚,最終海生叔入院唔夠一個禮拜就離開咗,見到海生叔過去三個月痛不欲生,家人表示雖然心痛,但覺得佢唔使再受苦,對海生叔嚟講都唔係一件壞事。
本身係詠春高手嘅海生叔,喺70年代獲同門師兄弟嘅狄龍引薦入邵氏做動作演員同武指,海生叔都話由當初諗住玩玩吓,變成真藝員。海生叔喺《Sunday好戲王》獲得打手王美譽,喺節目中耍完詠春後,佢話「我做咗好多觀眾認為佢係衰人嘅角色,人在江湖身不由己,捲入好多紛爭,但同時認識好多江湖高手,仲成好朋友。」最後海生叔以「我係李海生,係一個演員,亦係一個動作演員」作結。
#離世 #李海生 #申叔 #類天皰瘡 #細菌感染 #背脊潰爛 #四出尋醫 #未見好轉 #痛不欲生 #詠春高手 #同門師兄弟 #狄龍 #演員 #武指 #sunday好戲王 #打手王 #動作演員
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
16 сен 2024