@boxchannel7957 最新一集《月傾會》又嚟喇!今個月林柏希請來台慶劇《美麗戰場》女一陳瀅做嘉賓。擔正由16歳演到40歲,陳瀅演技大爆發,連第一次合作嘅監製導演葉念琛,都睇好佢今次可以攞視后,陳瀅反而話隨緣,「我知道葉念琛導演好想我攞(視后),佢仲想過我自己,所以我都同佢講,唔好俾咁多壓力我,我覺得隨緣啦!」
陳瀅話拍《美麗戰場》對住葉念琛好辛苦,仲話戲中初戀太似真實經歷,拍到打冷震,「成日對住導演,梗係辛苦啦!其實佢都有講,人哋問佢邊啲演員最乖、邊啲演員最曳?佢一定話我係最曳嗰個……其實我越拍,我就越知道點解佢要揀我,因為有好多經歷真係有啲似,我好記得我同Aska(張馳豪),Aska就係鍾家寶初戀,我同佢嗰段關係,令我諗起我同我之前個男朋友一啲經歷,同埋我哋嗌交嘅一啲位,似到我會打冷震!」
問到拍戲以來一帆風順嘅陳瀅,究竟有冇受過委屈?陳瀅話:「打戲,真係打咗好多次,不必要嘅多次!有一次因為嗰個男演員比較新,導演話照打落去啦,當時我亦都係好新,我拍一巴戲,好似打咗我十幾廿巴,打到最後嗰幾巴,我忍唔住真係好委屈,好想喊,因為真係好痛!最後都係俾人剪走咗,我最唔開心係俾人剪走咗成段戲!」
再講到陳瀅兩個花名,肥瀅同淫瀅,介唔介意?「我睇慣咗啦已經,其實第一個係肥瀅,我認嘅,因為真係唔瘦;淫瀅呢,以我所知係因為《痞子殿下》,蠻儀個角色係好麻甩,又摸朱仔(朱敏瀚)想搞佢呀,咁就會創造到陳瀅好淫呀!由肥瀅變咗去淫瀅,跟返住我個fan base咁樣講,我都會認嘅!」
去到重頭環節《大膽答 冇膽食》,今次預備咗陳瀅最怕食嘅芝士做懲罰食物!首先問佢,之前傳媒總括無綫依家五大花旦,分別有陳瀅、蔡思貝、湯洛雯、龔嘉欣同高海寧,陳瀅覺得自己排位如何?「第一,一定係思貝啦,因為思貝已經係兩年前嘅視后,之後龔嘉欣啦,嘉欣好似做咗最喜愛女角色,之後就湯洛雯、我同高寧,我會揀高寧先,之後就係阿湯,我自己最尾!因為我係咁多個之中年資最短,佢哋早入行過我㗎嘛!」
再問佢,有冇親眼見過或者聽過,女藝人用啲不同手段上位?陳瀅就有親身經驗,「佢上咗某個阿姐(高層),邊個阿姐唔好講啦,佢上咗某個阿姐嘅房,喊晒咁話,我唔明點解要俾佢(演某劇集)囉,我喺度咁辛苦咁多年,佢又唔係咁好喎,聽講佢又成日遲到啦,佢又呢樣嗰樣……」篤背脊行為傳返落陳瀅耳中,「一定係聽返返嚟,我覺得好多人都好錫我,知道真正嘅我係點樣!」
講到緋聞男友,方力申、周嘉洛同羅天宇,老公、男朋友同一夜情對象,陳瀅會點揀?最後經理人仲入鏡大爆料,即刻去片啦!
訂閱盒子YT頻道同步睇片:bit.ly/3EcUEMC
**影片中08:26 方力申應是雙魚座,陳瀅口誤為水瓶座
#盒子 #boxchannel #月傾會 #陳瀅 #美麗戰場 #視后 #葉念琛 #周嘉洛 #羅天宇 #方力申 #緋聞男友 #初戀 #老公 #經理人 #爆料 #花旦 #排名 #香港 #娛樂 #電視 #無綫
-----------------------
記得follow晒呀
FB:bit.ly/2WlzyYF
YT:bit.ly/3guXGz0
IG:bit.ly/3n0YIHg
27 авг 2024