【人中之龍7】值得買嗎? | 伏Game評 

個2.5分, 一定係無左女優出演, 所以才加上去的XD

大致同意部分意見，但一番不及桐生我絕不同意! 相比桐生我更喜歡一番這沒那麼強背負那麼多的『凡人』，感覺真是親切得多，最重要桐生就是太強系列才慢慢走向一個掘頭路，一番的強度不會太強但能慢慢變強，故事也比較容易寫下去 我期待一番今後的發展，不過rpg 部份真是要更強化就是了

人中0入坑之後玩曬其餘集數，但偏偏人中7先係第一隻令我玩唔停既人中，論劇情就點都好過人中6，玩法就大進步

後期要練等的確係敗筆,但你用新主角同桐生比,感覺上又唔太公平,畢竟桐生好歹有6集遊戲包底,只計故事長度都比春日多,深度自然有差距,但正如佢地既紋身,桐生本身就係人中之龍,但春日係龍魚,係轉變緊為龍既階段,人龍7應該只係春日咸魚翻身既序幕,期待後面會有咩發展

其實我覺得佢咁改變係好事 因為大家都知桐生一馬係一個傳說 無人可以超越到佢 如果春日一番超越到桐生一馬會令好多死忠心死 春日一番嘅風格係同一班同伴慢慢向上行 但係即時戰鬥系統做唔到 rpg就得 所以桐生一馬嘅故事同春日一番係唔可以拎黎比 btw真係好多嘢要改進 比d時間佢地啦 利申：人龍工作室每集都玩曬 三集白金獎盃

我以前唔玩人龍係因為玩過莎木，對於莎木式嘅操作有D卻步。但由我喺人中之龍7入坑(PSN免費遊戲)到玩返人龍6(PSN免費遊戲)開始去了解桐生一馬，再決定買人龍7外傳，俾桐生嘅眼淚所感動同佢一齊喊，無可否認佢哋嘅宣傳方式係成功咗，已經愛上咗人中之龍系列，預購埋豪華版人中之龍8。

老玩家用人龍6臭雞遙去同今集不過不失去比較，會傾向覺得人龍7可以接受

認同，要深入地評論人中7真係要同成個系列的各方面咁比較，唔係一條片講得晒。 0-6代，為何0、極代最受歡迎 而3 代開始人氣下降？直到6代更多負評，我認為原因是骨幹劇情的分別。 1. 日劇劇本吸引之處 離不開縣疑查案和陰謀背後的大陰謀，但如果套路看得多，容易猜到往後發展，如果太易比人估到，個縣疑手法便失效了，吸引力減。所以3-6集不變的套路成了敗筆，6代更是不停地 計中計 計中計中計，即大量的重複。 2. 0.極代的劇情元素：兄弟反目！ 此兄弟情真是男人的浪漫～ 很有共鳴。尤其是極代結局，我有多個朋友都看得投入感動。而0代的元素就係真島的轉變，因為有很多 人中玩家反映想更了解真島。 咁，7代有冇一個令人投入到如此程度的位/元素？ (我睇完雪片，熱血但不成熟的主角，我... ...) 距離頓時遠了一截

用7同0-6 比其實唔公平。 初代人龍1 根本冇乜大迴響，而桐生當年嘅性格亦都好平面。桐生用左十五年時間去令玩家了解更多，而一番只係用左一個月比你了解啫。 講番內容，其實我都係習慣玩曬支線先衝主線嘅人，但冇遇過敵人級數多自己十級嘅情況，甚至上到終極千禧塔都冇問題。好大機會係我會中間儲下道具，升少少武器先繼續玩。我覺得呢個就係設計嚟，即係你唔玩支線唔儲道具，鳩衝上去係一定卡，反而呢個先係問題所在，因為以前人龍你都仲可以打完一周目主線，二周目先追支線，今次係要乖乖地一個一個支線咁清先搞得掂。 而惡搞元素今次真係好盡。如果你再玩深入啲，走去睇埋同伴行街對話，聚會對話等等，仲有驚喜。我會話呢樣嘢變成團隊RPG嘅人龍先做得到，以前得桐生一條友行客食飯，可以同乜人傾計？最多都只有間唔中一齊行嘅NPC講下嘢。 我比較不滿係開夾萬。銀夾萬預左冇好嘢，但金夾萬都只係跌垃圾就有啲過份。另外狀態攻擊都好雞肋，出血的話扣太少血，其餘狀態大多數敵人都有免疫，最後最有用嘅係減攻防，然後就沒然後了。 整體嚟講我係滿意今次人龍嘅改變，真心係正game嚟

隻game要數缺點都數到好多, 不過整體黎講玩得開心 個人好鐘意前段春日同難波搵工被人拒絕, 要執埋啲有味紙巾, 只係因為有間污糟房訓就話係"我地既城堡"好開心, 兩個廢中講夢想 呢啲兜踎野真係唔會發生係桐生身上, 但係幾浪漫丫XD

不過不失啦，戰鬥創新確實唔錯，主角群的刻畫就真係麻麻(紗榮子,善熙棒棒)。老爹的演出救返唔少分數。衷心希望有一部以龍司或秋山為主角的續集，有故事的男人型好多。

反應真係幾兩極， 真心講... 你講既野絕對有point, 但我依然覺得隻game 優點cover 到佢既缺點 (但無進階職業真係dllm)

其實高10lv個幾隻boss都係刻意set到咁高，要突顯佢地有幾勁，如果比你兩三下就打死，之後又要你輸劇情，啲人屌得重勁

想問一下會吾會評P5R

我覺得街友，男公關同保安警察的技能最實用，又多屬性全體技，又魅惑，又電又燒傷，1般成堆飛仔，2招已死得88，99再清埋搞掂

當初愚人節推出試玩片時我還以為只是開玩笑，誰知成了事實....，我明白到了這個階段SEGA很難打造出能不輸桐生一馬等這些經典角色的人中之龍新作，但卻忘記了這個系列還有一個他們都遺忘了的角色，一個可能有機會與這些老前輩並列的黑豹......

拋開過往單從一款遊戲來看 人龍7給我的體驗是非常棒的 對於過去的故事也是穿插的剛剛好 但由於系列是動作遊戲 本作是RPG本應是無從比較 但在PS4上玩到的RPG類型 人龍7在我主觀中有8/10

一開始玩覺得招式夠哂惡搞，呢樣真係突破，但回合制真係好快悶，打敵人同係用固定幾招撳撳撳，仲要刷lv係幾痛苦同單調又無前前幾集打打有動畫出要qte嗰種緊張。換主角都算成功無令人反感，最後嗰一幕幾好。呢種玩法真係一集就夠，希望佢研究下點樣將啲惡搞招式融入去動作遊戲玩法

老套講 套野根本就有勇者鬥惡龍影子 人6做到甘 人7我個人覺得幾好玩 再者現家先係起步 重好值得期待

有冇人覺有隻game其實ok。如果夾硬要主角性格似桐生一馬，不如用返桐生一馬做主角。雖然我都覺春日一番性格係白痴兼老土，但幾鍾意

SIDE TRACK少少，今次人龍就好似金庸系列作中， 大家都一直睇開張無忌楊過呢D習得一身絕世武功嘅故事， 但就唔鍾意轉睇韋小寶呢種唔識打又冇任個英雄形象嘅求生。 對我而言反而個故事係令我想繼續玩嘅原因，本身春日一番個角色定位就係一個非傳奇人物， 但故事內容比左好多反思我，尤其果D睇落無厘頭但聽嘅時候又有少少到肉嘅對白， 「勇者唔係職業，但你可以用勇者嘅態度去生活，反正勇者就係由最底開始一步一步向上爬架啦。」 其實主線同時亦控訴緊好多社會現象同埋問題，例如係「BJ」佢地呢種攞光環但其實只係政治鬥爭中嘅偽善。 角色係故意做到最後個個都「捱義氣」先幫主角，但我對最後一萬主角求少主唔好自殺時果個表情同語氣， 係非常貼近現實同埋好觸動到我感覺。 （可能當你真係嘗試過阻止一個你好重視嘅人尋死時，你先會明果種無能為力但又喊到語無倫次嘅表情） 個人意見。呢隻Game我會當佢係全新作去睇， 而且世嘉都有加插番前作嘅傳奇人物入去出現做配角，我真係已經收貨。 反而真係唔鍾意RPG式，感覺就算禁到JUST GUARD都好似要硬食，冇得操作反格或者避開硬係爭Ｄ。 但有加入環境元素我又覺得係要求多左技巧同操作，勉強收貨。 的確真係冇辦法一概而論，呢一集真係太獨特。

如果有人記得, 審判之眼後期係有一堆可以容許你鳩打個game既DLC買 用呢件事做推理, 有個大膽假設: 人龍工作室終於發覺, 動作game入坑既門檻真係比一般game高, 繼續落去, 永遠吸引唔到動作game苦手入坑 響呢個假設做前題下, 我完全唔介意人龍改制 - 因為畢竟我想呢個series長做長有 但問題係, 呢個做法要成功, 係人龍真係要做到"買日劇送game"既效果, which is, 你個劇本要好到玩家唔介意你個game "冇咁"好玩 (留意係冇咁, 唔係唔) 人龍7既劇本, 如果響"一個新角色既起源故事"做前提, 我可以俾80分, 尤其同人龍一比, personal覺得係完勝 問題係, 冇左我上面講0個個前提的話, 呢個劇本, 只係合格

哩隻game真係一個好大膽嘗試。 反應兩極端係可以理解,真係好睇你buy邊個角色！絕對冇對與錯之分 但個人嚟講,我中意春日一番多過桐生一馬！起初玩咗甘多集即時戰鬥好怕改咗JRPG mode既戰鬥會好拿大鍋；但真係好睇你接受程度,我就玩落後反而愛上咗哩個模式；可能部份人覺得咁嘅改變唔忠於原著或者點樣,但我自己會甘睇,打機都係想輕鬆開心下,佢里個改變增加咗好多搞笑嘢入面,幾好丫；所以我本人其實幾buy哩個角色幾buy哩隻game !

比較欣賞 party chat 同埋宴會talk (玩日版所以唔知中文版叫乜名) 呢兩個part 既對話內容其實都好貼地 亦會令人感受到佢地圍內一班大細佬既氣氛

唔係jrpg 個玩法有問題 只係人中呢隻game我個人覺得都係以前果種玩法打擊感大D 個故事唔算特別吸引 又係個仔想上位隊冧老豆都得 D同伴又唔係有好特別嘅人設 前半可能還好 D劇情仲有用返佢地D經歷去推 例如用小紗做小姐去入會員制酒吧 但之後又冇咗 個組合又係一個刑警一個街友咁 仲要個主角其實冇乜特別個性 似係真島翻版但又唔夠癲 係支線救返支game咁

隻game我玩玩吓已經當煲劇咁煲。係打嗰3個「你懂的傳說中的黑道」嘅時候要手動打（因為打到嘅時候得37 lv)，其餘全程都係自動戰鬥。

試玩版玩過d小遊戲/支線係有趣嘅，但回合制真係點都接受唔到，想當年認識人龍系列就係因為佢個戰鬥系統，用唔同環境出極技嘅成功感。

幾同意人物部分 春日真係太嘍囉feel 好難吸引到人鍾意佢 所謂既gay絆又真係有啲牽強 但又唔會去到好抗拒 不過lv果part我就有啲保留 舊時啲回合制game要特登去升lv我印象都算普遍 我覺得只係而家少左rpg/啲game遍向"速食"先慢慢無左呢個唔夠打>升lv既concept 同埋其實都係得真島果一場明顯係要升下lv 果一轉升完之後都唔洗再點特登去升 正常打最終塔都應該低隻boss 1x lv 但打落都無問題 而且以劇情而言你幾個嘍囉去打兩個傳說級人物要升下lv都講得過 加上佢有金屬史萊姆... sor街友先啱 其實升lv都算friendly 不過難度方面真係應該平衡下 隻阿門真係廢到以為有phase2 戰鬥方面可以再平衡下啲職 而家真係4隻都做攻手就夠 因為boss唔夠aoe 單補+飲水已經唔會gameover 另外debuff同buff效果亦太唔明顯 基本上你減左人地防/加左自已攻 突出黎既傷害都不如出多下技 另外竟然佢做得屬性 其實都唔差在做埋無效 可以令到轉職學招既意義再大啲 至於劇情.. 其實都係得0叫做寫得好 呢集已經叫好過中間幾集 同埋支線都算keep到水準 Overall黎講都算合格啦 起碼有種 可以再試既感覺 唔會話 你都係轉返即時戰鬥/主角用龍司啦之類既

桐生個故仔由0講到6集，第7集自然需要轉主角啦，如果唔係繼續用佢嘅話啲玩家可能覺得悶。

我其實很喜歡春日 但戰鬥真的很勸退 本來已經燃起來的劇情一進戰鬥又冷掉了 做ARPG感覺還不錯

整體來講不錯玩 只可惜boss戰少了打鬥場面

起碼佢令到我呢個冇玩過人龍系列嘅人入左坑....爆左機.... 然後.....令到我去左買人龍0........ 如無意外....應該會玩埋其他集數.....

絕不同意！ 春日一番有血有肉夠貼地 有小聰明而熱血得嚟又有理由 twist位可以再加強 但比之前已經算做得唔牽強 有笑有淚 代入感強 我絕不同意換主角後劇情唔得！ 再者「最底層嘅春日一番」要練吓Lv打班傳說級嘅對手 合理有餘 一陣太易打又俾人鬧㗎喇

我由第一集開始玩，這集改了RPG但仍給8.5分，少了追逐小遊戲，經營小遊戲不吸引，但仍沉迷了2星期，渡過了春節假期

始終都接受唔到RPG嘅玩法，畢竟都由0代玩到六代，一下子轉咗RPG game。 雖然，都有嘗試去接受7代嘅玩法，特登買咗來玩，玩爆咗之後覺得成隻game主線同支線都做得唔錯，劇情都幾吸引，如果有啲新嘅Av女優仲好。但係唯一就係唔中意好似pokemon咁練lv過根本就曬時間，希望下集可以用返之前人龍引擎玩法仲好。 利申：個人意見不喜勿插

玩到第7章，觉得唔妥，快来睇睇伏game评，明晒，多谢你，暂时放低先，要练lv真系顶唔顺，原本打算熬落去看看剧情的心瞬间凉了，时间真是耗不起啊

9:05 全條片精髓 9:40 因為最痛苦係卡左關要升Level果個階段

第一次评论 好鍾意你地D片 加油~!

最尾個「如我所料」係阿雪心聲w

我覺得主角唔用桐生一馬都可以寫番d舊角色，例如鄉田龍司等等，一個咁傳奇既男人走左去賣章魚燒有d浪費

未玩過人龍1-6,但我又幾中意 春日一番(雖然未爆機

4:52 就係冇防到佢嗰下即死攻擊 搞到要原地復活又唔見咗一千幾百萬, 好彩嗰陣時經營公司已經有三千幾萬如果唔係又要由頭打過....

我由見到男主個髮型開始唔想買 就算冇玩過以前嘅人中之龍都好 買唔落手 對我嚟講今次男主衰喺個髮型 搞到個樣就好似之前用桐生打嗰啲混混個樣咁……冇分別 唔係話一定需要靚仔靚女 但係外表包裝真係吸引唔到我買

之前睇你打LIVE記得一個viewer的comment: D小遊戲(定支線？唔記得左)比桐生一馬做哂…所以呢隻game入面冇哂…

1:05句傳承靈魂真係好有感觸 機戰 高達 pkm⋯

我覺得今次試驗成份好高,佢個戰鬥分鏡鏡頭真係扣晒分,而且無夜總會......同伴係故事入面可有可無;至於春日現在實難同桐生一馬比,不竟只有一代;不過希望真係唔好一年一隻....好多野明顯係無時間做好

在電腦 XGP 玩緊 現時 21級左右 算可以 暫時一番瓜左一次 (有我作死成分) (我沒人龍底) 製果應只是主打股東戰鬥

無風化島真係好惜，零同極2嘅風化島真心好玩。

等多幾集先買，好正，加油呀支持你地

用咗7集嘅桐生比得1集嘅春日 好嘢👍

我第一次接觸人中之龍，我覺得很好玩

中意玩即時格鬥可以即刻倒扣多2粒星 留返半粒星當俾面桐生

買了8代，然後回頭看你的7代評測，就決定再買下7了

其實大可以用鄉田龍司開個新系列故事的.

過去人龍作品我都有玩~ 我諗大家放錯角度去比較隻遊戲同人物 阿雪角度係 承受壓力而不到 或者 追上超越桐馬 但我認為春日一番係承傳 或者 轉移 這一集明顯少左江湖味 亦少左風化場所的味道 但其實主線寫得唔差 大家一開始都帶左用桐生基準去睇一番 我反而覺得 或者追唔上0和1 但比起2-6 加埋木村 卓卓有餘 而且今代係以同伴 中二病 死傻仔 去包裝一個熱血少年漫畫劇情 江湖味佢有 只係相對地 唔係行型個邊~ 春番同路飛一樣 用呢個比喻就會明白 其實情況都好似龍珠同海賊王比較 最後邊隻先算係皇道一樣 我地係比較到底乜野係一套好作品? 定乜野先係 一個好 人中之龍? 我揀前者 人龍7 係後世界的皇道~ 最後我想講 我無特別準備 2x lv 打緊大板競技場 49lv 就打第15章 都無卡過 佢打桐生 同真島係最難打 去到後面 係是乎你識唔識用外派 同隊友~

以下留言含劇透： 遊戲中兩大黑幫都解散了，春日一番好難會有第二集為佢鋪排，應該話就算出都好難與黑幫有關(同埋半夜打機嗰陣時經常見到你上線，睇住肝)

主要係支線撐住玩到尾，但始終即時戰會好過RPG, 因就係鐘意拳拳到肉

姐係monhunt同ff比....我都係寧願玩mh.....自己打咁多年機都唔識欣賞呢種齋點技能打人，好難下剋上嘅game...純粹個人意見😂😂

請問下你地係youtube定twitch直播啊？有冇時間段，好想睇😂

但我都係第二次玩人龍，偏偏比呢集帶左入坑，宜家玩埋人龍0，發覺人龍7真係簡化左太多野，用比下去呢幾個字真係講得冇錯，真心希望廠商可以深化下續作 小遊戲一如既往高水準，但支線太流於表面，咩都係講到尾打場交就解決到，唔似以前要記野，玩黑市武器商人甚至要將十幾隻字用倉頜打番出黎，選錯選項會連個任都失敗埋，今集既支線少左前作既變化同人性 角色方面，春日真係冇果種極道既感覺，由頭到尾都係覺得佢成個細路仔咁，睇番桐生同真島真係覺得今集冇左人龍系列既靈魂，不過當然呢部分還算可接受，始終桐生同真島都唔係一集封神，但相對之下桐生同真島既角色性格鮮明好多，希望之後可以改一改

個人認為隻Boss高自己10 LV冇咩問題... 同LV太易打就冇咩意思 以前玩RPG好多去到某關Boss都要刷一刷經先打到上去, 好正常

1:40 勇者斗恶龙走错片场吖喂

好心唔好再用人中個名，應該開過新系列

我只係玩過 0 同埋 1 ，但並唔係太過熱衷於呢隻 game ! 但相反呢集可能基於呢種玩法……真係想買嚟玩吓！thanks ....

我最中意向田紗榮子，所以呢個人中我唔覺得伏

今次偶像的補血能力實在太強，而且敵人基本上不打女人，可以放心補血😄

我發覺。。。youtube最近都無被我睇你新片。。。我仲以為你地無出新片，咩事?

剛爆了，我覺得最大問題係遊戲好需要玩經營公司去earn money，要經營公司前後就用左4-5小時。 練等級方面，基本上佢有特別迷宮就去玩一轉，等級就夠高玩主線。 所以我唔覺得遊戲要我操等級，但就迫我操經營公司。

我現在才玩了五個鐘，開頭覺得好悶，一直都係講故事，但係主角坐監之後，開始覺得有嘢玩。

系“鹹魚翻生”，唔系“身”

有冇人覺得8:30好撚好笑 個頭話完佢似初中生

雖然出左年幾兩年,不過FF NT會出片講嗎!?

想你地評下persona 5 royal，會唔會玩？

其实一般哩种要启用新人，无论系游戏定系影视，都需要一个人气高嘅“熟人”带，例如CAPCOM 嘅dmc 鬼泣4，新主角尼禄照样需要系列主角但丁带住。所以我觉得人中之龙7完全用新人嘅做法太过冒险，黑帮题材沙箱游戏改成RPG搞到有D不伦不类。其实人中之龙1嘅大反派锦山彰系一个超有潜力嘅人物，桐生为佢坐监到出狱果10年里面足够补完大量剧情。用锦山彰做主角讲述佢点样一步一步成为大佬创建锦山组唔系比一个新角色更加好咩？

日系game個故事係咁架啦，最少冇人中6，木村個故事咁無聊。仲有邊個話一番冇咁吸引，係我睇黎係有血有肉，唔似一馬成日彈出彈入，偽善者。另外同伴啲故事都幾好，有佢地劇情，目的。唔似以前桐生咁由頭打到尾，今集rpg完全冇問題

If i don't like RPG game should i buy this one?

對我而言人龍本傳早已完結，與其狗尾續貂不如續寫其它人的故事，更想看到右京龍也 八神隆之這些角色的故事

我是雲玩家只用看得 不過人龍7演出方面變得非常豐富 人龍其它代想追劇情但那呆版的站樁演出都看到睡著....

隻game想買但係又唔想買 想玩但係又好多好嘥時間嘅地方 睇左live啲gameplay之後 我都係決定 算數算數🤣

最靚畫面果下竟然係咬麵包果下

PS STORE 現在做緊7折，對一隻出左唔夠兩個月概遊戲黎講，或多或少已經反映伏味指數。

人龍0-6代講左咁耐，嗰啲大佬級嘅主角當然厲害啦。你春日一番身為三流組織嘅嘍羅當然就係靠同啲夥伴合作先變強，都已經係製作人一開始講左嘅事實。根本就冇得用7去同之前黎比，一開始未玩我都覺得伏啦，玩落就完全上曬癮（利申：全ps4人龍都玩曬）

你練到高lv過一擊必殺隻boss都係會比佢一擊必殺 但佢其他技完全打唔痛你 不過rpg門檻真係低過arpg好多 個人感覺人中木村隻亞門難過人中7亞門無限倍

近几年的游戏，碍于经济形势上的改变，一些因数的高低就能很轻易的判决一部作品的生死。 我不介意游戏里的角色，是否是一位普通人或有背景的。不过，除了公司用爱坚持续作以外，实在没其他办法让这位主角有更多津津乐道的背景故事了。 Good Luck

好有幽默感嘅伏game🤣有多餘錢先去支特

人中之龍系列我無玩過,如果想玩返,邊集最好玩?

我個人是覺得春日一番比桐生一馬跟真島有特色多了

非常同意那句【剧情就好像春日的性格一样，一路热血就感觉好闷】，我也玩了0和极，这部是我第一次看主线看到按“跳过”

非常好玩！

想睇呀雪評下櫻大戰😂

如果FF6,重制,以呢個戰鬥方式來玩,一定好正

大佬，如果之後人龍玩法全部跟之前的玩法，我駛鬼買新啊，我重玩之前的更好？遊戲要求變才能找到出路，你睇三個無雙系列就知啦，割草式亂打已經冇人捧場了

未玩過人龍但玩落幾投入，唔錯！！

話曬都第一次 下次應該可以改善到

上次有幸睇直播就知唔掂 夜總會HEA做，本來係格鬥型我都覺得有D想玩，而家變回合制，又迫我睇D怪招成班肥宅跳舞果下我真係想打爆部機

下個人中之龍作品可能係外傳、好似人龍維新那樣。

標題打錯「人龍之龍」

我自己係人龍系列嘅忠粉。喺Ps4由0-6我都會買返嚟再玩。但係人龍7改到咁真係吸引唔到我去玩。。。。。😑

我又唔覺打唔贏係等級問題，更大部份係裝備問題，根本就逼我玩春日公司賺錢再買勁裝過關。 所以對我來說最辛苦的時期係一初頭跑去唐人街，果堆功夫佬根本就唔係人，仲有最大敗筆就係RPG 竟然無逃走選項... 春日先生你玩的勇者鬥惡龍一定係山寨版，所以無得走...

等你出片好久咯