【娛場】乜都拗　吳鎮宇爆靚靚唔熟唔食 

【娛場】乜都拗　吳鎮宇爆靚靚唔熟唔食
袁詠儀（靚靚）和吳鎮宇相隔13年再度合作，接拍由好友張達明自監自編自演的電影《家和萬事驚》，鎮宇笑言：「見達明都差唔多……好返囉，咪捉佢復出下囉！」而靚靚就坦然接這套電影全因鎮宇：「我都有好多年冇拍戲，到咗依家，我當然會揀一啲我鍾意嘅人合作啦！」講到親熱戲，鎮宇更笑言：「靚靚一定揀達明做對手，佢出名唔熟唔食㗎！我呢啲仲係後生嘛！你食生果都揀啲熟嘅食先啦！」
而講到入廚的樂趣，靚靚就顯得非常抗拒：「我最憎煮嘢食！好驚記果啲材料嘅份量呀，又驚啲油會彈到我喎！」鎮宇即時反擊：「你唔識蒸嘢㗎？我就最憎洗碗！正如藝術家造咗一件大作之後，仲要掃地咁，No Way！」隨後鎮宇更揶揄靚靚IQ低，EQ又低，選擇伴侶當然要選擇EQ高啦！為什麼張智霖會和《龍的心》的洪金寶有關係呢？靚靚又如何反擊鎮宇呢？立即收睇【娛場】啦！
#娛場
#東網巨星 #東網 #東方日報