【認真吹】傳統日本人社長眼中外國人＋女性＝原罪？香港精神與日本傳統是錯配？如何3個月就由工作假期簽證轉為日資公司正社員？日本人浪費了免治馬桶？！專訪與Yan生同期來大阪打工假期的女生Claudia！ 

大家好 我係Claudia~ 多謝今次阿yan搵我上MINATOTV 傾下計啊~☺ 好少喺鏡頭前講咁多自己嘢好緊張啊!! 雖然講咗好多嘢但都係有少少詞不達意唔好意思! 想補充番最想表達嘅一點就係: 作為外國人喺日本，雖然好難100%融入當地人/公司 但我覺得都唔需要將自己睇低 或者覺得自己無做得日本人咁好 當然唔係要唔尊重日本嘅文化同禮儀 而我覺得係唔需要”只係為咗融入”而放棄展現自己嘅優勢! 因為我相信日本都會有開放嘅人/公司會欣賞外國人嘅能力同變通! 希望喺日本同想嚟日本嘅大家工作都順順利利!😊 Sorry MINATOTV張台lol 我唔知自己傷害你咁深...🤣 BTW, 暫時都係未空閒開個人CHANNEL🥲 (或者我睇下大家留言再考慮下xd) 但IG 可以Follow: claudiac.526 🤗多謝大家睇呢條片~

直頭同我個CASE八成似, 入左間日本傳企做中高層, 因為做中間, 最低同對上所有工作步驟都要知同做過, 變相了解晒所有存在問題, 一段時間之後, 我同總經理表達過, 佢接受我意見, 之後完全唔會影響生產品質既情況下, 我將所有無謂及重覆性既工序做左整合, 成條生產線每日節省左1~2小時既生產時間成本. 但之後"前"總經理, 即公司開國老屎忽, 現任既產品顧問(半退休), 佢知道之後, 開會話"一開始點樣做, 往後就要跟". 就係咁, 老細就要求改番, 因為佢好比面呢個前輩, 而我呢個提出者, 就好似claudia一樣, 比佢話"多9魚", "唔尊重", "無意義", "呢D唔係你做呀" 咁去話. 另外一樣就係, 起201X年中, 公司開會表達會加大起中國既投資, 包括增建廠房同生產線. 我表達反對, 並用中國法規不清晰, 經常變黎變去, 同知識產權, 技術冇法律保障. 但當然201X年尾, 都係起中國加建左廠房, 結果.....哈哈......新廠房,5年都未用夠, 就宣佈要撤出中國.....唉......只可以講抵死...... 2023年既今日, 呢間日本公傳企已經由業界leader, 輸左比同行競爭對手, 龍頭地位漸漸被取代..... 日本傳企 - 老鬼當道, 封建思想, 一成不變, 安於現狀, 不思進取.

其實我係香港日本大公司做過 佢地文化野仲要睇老闆睇公司 我前公司 日本人係好唔信外國人 包括我地香港人, 因為佢地心目中係覺得日本人做既野質素先係 number 1 大家都做咗個 software 出來俾同事用, 功能一樣, 佢地都係用返自己日本人寫果D 去做先, 除非果個日本人走咗, 無更新support啦, 咁佢先會用你既野 仲要搵人來同佢以前 D 野對比過驗過曬無問題先會用 跟住日本老闆佢係基本上 一至日都會返工, 仲要係早六晚九, 打八號 十號風都係咁, 好彩佢無要求我地咁做 另外我地準時收工, 係唔會俾既, 佢會搵你上司問你上司你係咪無野做, 好得閒, 當然啦, 返工一定係要準時 公司成間係圖書館, 基本上你講野大聲少少都被日本老闆嘈 試過星期六有個姐姐抺野, 搞到個 mon 跌咗野落來, 嘈到個日本老闆, 佢即刻 email 俾佢上司嘈個姐姐 之後個姐姐就唔係果個範圍做清潔 日本人做野係好認真, 佢會 review 我地每份 report 每一頁, 仲要俾返 comment 你 佢地都好鐘意叫你交前 double check , triple check, fourth check 好彩係, 我地公司無要求寫每日日記, 寫你做咗咩野, 同埋唔洗個個去打招呼咁, 但入公司前要換鞋 有D 係幾得意, 食飯時間會響鐘 , 真係好似返學咁 仲有一樣野, 佢地係當做呢份工係一世, 唔會諗住轉工, 所以基本上好多都做咗 8 - 10年以上 有 D 人返返去日本, 都係果間公司做, 除非公司唔掂佢炒你 😂 的確講得啱既, 你做返自己外國人個身份係會舒服少少 職場上做佢地日本人咁, 你係會好叉辛苦既😂

諗起當年係日資香港公司返工寫日報，我每日都寫四個字"業務跟進“，最後當然比人照肺。上司話......你可唔可以轉過第二句？之後果日......我寫了"跟進業務“

呢條片好有啟發性,俾咗好多有用嘅貼示我哋. 其實都覺得日本人太講規矩,令人難以適從,寫日報呢件事實在唔符合工作效率及經濟效益,因為僱員嘅工作表現可以從平時觀察及end products睇得到,詳述每15分鐘做過什麼實在費時失事,不過每半年或一年的檢討,包括 與上司面見及 填反思表等,都有助 及時改善工作上嘅流程(如果老細認真對待);另一方面,聽講部分日本人都係講一套做一套,表面上笑面迎人,但背後可能對你不滿都未定.

好喜歡這位女嘉賓 ❤ 好坦誠好自然 ❤ 不做作 ❤ 而且好可愛 ❤ 好適合做 RU-vidrs ❤ Yan 生，做得好專業，越來越流暢，讚 👍👍👍👍👍👍👍👍👍👍👍👍👍👍👍👍👍👍

日本經濟差唔係無原因的,上面既人好大喜功,不務正業,下面既人諗住做個好員工比D意見,結果要比人罵番轉頭,然後個個都hea做就算。我2019年年尾黎日本WH,做一樣係即刻搵到工做左幾年正社員,真係覺得唔明點解要幫呢班人打工。 去左外資後,一天都光哂😄

👍👍👍👍👍 我簡單直接講①日本之所以成為過去一百年嘅日本，一切皆有原因，譬如說，要求職員每日寫日報。②主持人講得好好嘅係，同日本人相處，要自報係外國人，呢個係自保，亦暗示對方，請包容一下。③喺日本公司（日本社會生活），唔好改變人家嘅習慣，唔好期待人家愛你，亦唔使扮愛人，唔好想多，否則就係蠢同自虐。禮貌盡量好，做得過關就掂。④語言關真係要過，若長居定居，要讀下日本歷史文化刊物。我非常非常鍾意日本，如果我唔係老嘢，我一定努力學下日語。後生仔女，快啲離開。

靚女得嚟有性格好好笑容！感染到觀眾！把聲又易入！好正！Claudia你一定得！你會好有觀眾緣！

講到「越權」呢樣嘢！其實係存在！記得其中有一次，有個同事向直屬老細提出咗工作上少少嘢。老細竟然以為個同事建議老細怎樣去做嘢！特別係有幾層老細啲架構內，員工一旦做些超越直屬老細啲嘢，你老細立刻會有極強烈反應，因為你啲動作，會直接影響到你老細之上啲老細點樣睇你自己的老細！

謝謝分享。Yan 真係有做主持的天份。Claudia好cute, 又識表達自己，加油💪🏽💪🏽💪🏽👏🏽👏🏽👏🏽

我以前喺東京個老闆出完trip返黎，我哋幾個外國人冇問侯佢出trip出成點，佢突然好大力拍枱，嚇到全部人彈起,我地幾個你睇望我眼😂，作為外國人嘅我哋，永遠唔會知佢哋文化架

看這條影片．時間過得很快．一點也不悶．很好。

Andy 可以考慮請Claudia，可以令MinatoTV的節目更多元化！

考開90幾分人地會期待你考滿分，但係考開合格水平就冇咁大壓力，偶然一次高分人地仲會好suprise 萬能道理🤣

好多謝Claudia分享係日本生活左幾年嘅心路歷程, 要適應日本工作文化的確唔易,但認知到自己永遠都係外國人可能心理上會比較容易接受到現實!? btw 全段訪問都睇得幾舒服,輕鬆得嚟(Claudia笑得好自然)又帶入到深層次嘅討論

我好少留言 但睇完都比claudia 吸引左 講野好有條理 好自然 仲要可愛樣 即follow 左ig, 期待睇你更多既片 🫶🏼

其實都唔係間間日本公司都係咁。我轉過幾間公司，好多都冇呢啲「形式主義嘅禮儀」。同事返工放工都唔會講早晨，打卡都唔打，咪話要寫日報😅 但越權呢吓其實香港啲老細都唔可以接受，不在其位 不謀其政嘛嘛。😊 不過咁講，有時有啲日本人真係好多好9餘嘅規矩禮儀（其他日本人自己都頂唔順嗰隻），但有時同啲大陸人做緊，冇規冇矩冇大冇細亂咁嚟都係難攪。 所以出嚟打工「中庸之道」好緊要，我而家都學緊。 不過建議唔好咩嘢都將香港人嗰套帶嚟日本，因為呢度始終唔係香港。😂 如果唔係棧自己辛苦😓

She's SOOO funny 😆😆 Come back again and share more of your experiences working and living in Japan, Claudia!! It should be a permanent feature!

自從人大個左，對日本呢個國家再沒FF😅,去玩就好，去做嘢⋯⋯免了……比香港更社蓄😅

張枱total扣左幾多血？

She is really good for non stop talking! 勁😊

轉一下角度 ，唔好忍受！！ 我教左四十年日文，都系教文化 風俗 禁忌 行先。 對日本既禮儀 系統 傳統（ 係上面片中講既苦處）係非常熱愛 享受，咁既心態就適合去日本生活。❤

非常認同你地講嘅，要知自己係外國人，尊重人地文化同時，都有自己嘅style .

有yan做host好睇👍

剪片好正😂

聽到每日收工前都要寫日報表示震驚，勾起小學每周未放假要作隨筆當功課的回憶😂😂😂

好可愛😂好搞笑😅

Claudia 好可愛！！

作為一個係日本住咗十幾年轉過5次工以上已歸化嘅人分享一下。轉工次數唔會太影響歸化審批，但申請期間必須要有穩定工作。 至於以前轉過幾多次工唔介意的。但所有做過嘅公司都要申報，做過乜都好DROP低幾時做過咩公司。 所以唔使因為打算申請歸化永住而啞忍的。而家嘅厚勞法對公司好嚴格，比較保護勞動者的！ 另外，其實你哋唔使刻意同日本人講你唔係日本人㗎，人地一望你個樣就知啦‼😂

yan神 keep 住做 十分好睇

我覺得下屬提供意見呢件事上無問題，十分正面。如果自覺無問題，最好唔好改，離開就好

唔一定每週兩片既 隨心出 ❤開心就會自然多片😂

張枱捱到完場😂

Follow着 支持你哋 多謝yan Claudia 希望大家係日本工作順利 好想好似Claudia咁幸運係日本 工作啊！

女嘉賓顏值越來越高👍

其實，不論香港或外國，好老闆都唔會想聽真實說話，所以點解職場越假既人，越能當上越高職位（不論任何國家）

真係好好彩 & your face, your fate

日本職場文化，受西方教育既香港人應該頂唔順。朋友當年去日本做野都係係當地既外資公司做，佢話要留係當地公司不如返香港算😂

呢位妹妹都幾得意可愛~

Very light hearted n informative interview. Yan is a good host n Claudia is a good guest. Good show.

She's so nice and pretty good !

而佢地眼中 白人女性=/=外國女性 白人男女依然有優待

14:17 作為喺日本好幾年嘅香港人，真係好很同意 👍👍

Good Show!

Claudia 快d開yt channel啦

一返到公司就要同老闆講早晨，如果公司好多人咪排晒隊...

做過日本公司, 日文N1, 好好彩依家唔洗再做😅

咁岩見到你個節目，同我地好似！😂我都係2019年中黎到之後COVID，當然仍都比佢影響好多…😭 本身我同老公係計劃係度搞旅遊…賺到錢再返去澳洲（其實諗諗吓都唔知係咪我老公厄我過嚟…🙄）之後旅遊梗係唔使諗..老公轉左做IT… 我就好怕日本人職場…因為由2000年學日文（都係自學到3級但舊制😂）09年2級停學到2014過澳洲認識我老公～ 所以都了解日本文化…而且係香港同澳洲都有做日本公司…（都要寫日報）😂 心諗日本應該仲大鑊！我又要湊仔…（我個仔都叫Minato😂）所以都只係part time home office 😂老闆日系台灣人所共知好好😂 完全唔敢接觸日本職場…聽完同我想像中一樣😂後黎生埋2女更加有籍口唔出去做野😂其實我都好想出去工作… 加上我係係澳洲過黎、澳洲真係超free超正！鍾意返就返唔返講聲、假期自己編～又早放工、無客時做咩都得～行街買餸訓覺煲劇😂最重要人工高！！ 相比日本公司長期有個cam影住工作又唔比用手機，唔准遲到要早15分鐘、要換制服、要比人照肺～人工雞碎.. 完全天堂與地獄！係澳洲講咩都得，日本真係步步為營..好攰！唔知幾時得罪人..Claudia講啲、對住日本人既態度同心理同我一樣😂我諗好多華人都係… 我地唔似鬼佬咁有唔同既外表…應覺日本人會對我地更嚴謹啲..我都係、從來都只會話我係香港人…即使我從小已經極愛日本！但住日本又2回事…香港同日本真係好有差距！所以我覺得港男配架妹係唔錯…掉轉架仔配港女就難好多…. 一定要好似我老公呢啲怪人+我比較小女人既港妹先配到…😂 唉…真係好想返澳洲…無去過澳洲應該會覺得日本唔錯..😓

終於有人搶到肥界型男Yen既眼球 ❤

Claudia 好日本FEEL, =3=

比較想知張枱嘅血上限有幾多🤣

可摸以講多啲日本公司嘅潛規則？

Thank you for sharing

寫日報，太震憾了。如果香港打工被要求咁做，潛台詞係公司唔再信你，另謀高就吧

正，講得出日本既缺點然後都留係度，明智既選擇，唔知有無機會搵到 D 長住左日本但會返香港既人，應該都好難

日本太多規舉要守 (可以話係佢地文化) 如果長期係留日本我應該會痴線 🤣

Like her vibe! Will she be back for guest / host?

在香港時，過年後開工時會全部員工排隊入老世房講多謝拿利是。一年一次就非常好。唔會浪費時間。如果每日番工都要同所有同事兼老世講早晨，咁一個朝早咪浪費左起碼十五分鐘做野既時間？如果係一百人既公司，唔通真係要同100個人講晒早晨先開得工咁誇張？

講食辣嗰段好可愛😂

Andy Yan生見字立即請Claudia，個個星期叫佢黎做直播保證你D貨大賣

以前唔明白 点解日本女人結婚後好小出來工作 後來才知道好大原因係日本公司有抽水文化 即係上司性騷擾女下屬係好正常 而且公司係唔會重視 試問有邊個老公忍受到 (呢個係其中一大原因）不過佢哋對外國人就唔敢咁放肆

好爽朗👍

Claudia把聲好似開咗1.5倍速😂

卡嘩依呢❤～Claudia

叻女！叻仔！聰明人！❤❤❤⋯⋯！

Claudia 加油！香港人去到什麼地方也努力上進！一定會有回報！ ㊗️健康＆順利❤❤❤

Claudia好可爱

我今年新卒，好好彩入咗間老細同同事都唔錯嘅公司，雖然都要寫日報，但9成同事包括我自己基本上都係用1-2分鐘內寫完

Claudia把聲好好聽！

呢條channel有咗朱yan之後 真係每條片都有追 同埋佢訪問做得好好

Claudia 咁可愛 實得 gogogo

當年我都試過因為個富二代日本老闆娘自己改左議程唔話我知，跟住屈我話我唔做好領會準備，我拍枱鬧佢，其他同事話：「原你日文可以咁勁！」

換咗張新枱未😂？

我都晌日資公司做左十幾年, 日本所有一切都係美好既, 除左職場... 唔知外國人/做野唔識轉搏/低效率都真心令人幾頭痕, 要長住既真係要睇得開

日本d 職場文化真係好on 9 , 好多野為做而做, 仲要懶係有team spirit, d 階級觀念勁煩, 老屎忽越廢越高薪

67把聲好好聽🥰

YAN成日都搵到靚女返黎訪問，好鬼好野。 Claudia個青奴我follow左架喇。 BY曹總

好似後生版長澤正美，唔怪得日本人之見到佢就請

佢開、我會睇❤

應該片尾總結下張枱扣左幾多hp

寫日報=作文😅😂🤣👍👍👍

😅 最重要，感情生活，好似無講。。

大大聲講早晨依D, 或者放飯/收工要講聲依D 又話者如對客既, 要講歡迎光臨個D 其實講慣左之後會變到口頭襌咁, 無晒感覺的 我個人覺得唔難習慣 當然video 話要去老闆電腦後去講就睇情況啦, 我自己做兩間日資都無需要 但就算有, 都係好簡單姐, 形式野快快手講Q左佢咪搞掂

唔好話你地已經長居日本唔習慣其他地方好污糟，我今年月月去大阪玩，一返黎香港都已經覺得香港好污糟，厠所更加好難接受冇免治馬桶，夏天街出面既人又臭，又有老人除，以前冇留意，而家去多左發現日本男人冇臭味之餘，連阿叔阿伯都冇味，當然唔係全部，但香港大部分都好臭，呢點我真係好難接受，所以而家只想努力係香港搵多十零年錢，然後長居日本退休，因為係日本打工就不了，香港搵够日本退休盡情享受這個天堂吧

我公司跟外父的日本公司有小额贸易。要求非常高，亦非常麻烦。如果不是我外父，我一定不做他的生意。

啱啱迫完滿員電車收工攰到隻🐶咁，我好想講：泥日本旅行嘅時候好想俾人當係日本人，而家喺日本住，我每日最鍾意講嗰句係：我係香港人😂😂😂 好努力咁樣扮自己係日本人，甚至捧高同阿諛奉承人哋嘅文化，日本人反而睇唔起你。公司規矩當然要跟，但係尊重人哋嘅文化同時，亦都以自己嘅文化為榮，咁先會得到人哋嘅尊重。

問題黎啦: 張枱究竟有幾多HP?

寫日報 好似行船 每更 寫航海日誌咁😂

越權呢樣野膠式文化何止日本？香港一堆上司都係咁啦，我岩岩間公司都有個中女上司因為心情唔好因為我係新人搵我黎出氣，我明明無做錯野佢莫名其妙鬧我，我解釋我無做錯過野，佢駁我唔到覺得我夠薑咁做即刻叫hr 登我個位，我都無所謂啦對住呢d咁既上司

佢有D似白石麻衣😊

想請問張枱最後減左幾多HP? hahaha....

加入咪得囉，加入MINATO

啊ayn要拍多啲 呢啲節目🤣😅

Claudia Channel❤CC

張枱其實有幾多HP?

想问一下大板哪里買二手照影器材?

仲未見佢開呀 XD

開頻道就快D, 趁後生就快D拍

緊係留IG先啦，有乜更新都可以即時知丫嘛