新一代男神陳家樂為繽FUN星網全新節目「金鈴12星X萬希泉」擔任嘉賓,與「金槌拍賣官」金鈴主持分享他入行多年的心路歷程,他坦承以前在感情上好被動,不識得去表達愛,人成熟了先懂得爭取,但對新歡舊愛的連詩雅、余香凝,他則笑說:「首先我冇承認現在式,我選擇唔交代,畀啲空間我,至於過去式我都唔想再講,因為真係過去咗。」
天秤座的家樂承認好優柔寡斷,正因為個性猶豫不決,令他錯失了很多機會,他說:「我一路好鍾意演戲表演,但因為冇講出嚟,揸唔定主意,結果公司幫我揀咗去做歌手,一開始就行咗條錯嘅路,嘥咗好多學唱歌跳舞嘅時間,好後悔點解唔講清楚。」曾經覺得不適合娛樂圈的他想過退出,好彩導演麥曦茵找他演出電影,幫他重建信心。
22 окт 2020