【霍啟剛】【霍啟剛】電影業界苦無拍攝場地，政府何不出租場地賺取收入之餘，亦能打造電影旅遊路線 

要多元化改善政府財政情況，我其中一個關注要點係政府場地使用營運，包括增加 #康文署 表演場地嘅商業配套、善用 #城市空間 、租借政府物業予電影界拍攝電影。
現時康文署表演場地都係一刀切禁止飲食，我曾經喺外國睇過不同表演，佢哋會根據活動性質放寬飲食安排，帶動場地及周邊食肆嘅生意。康文署要如何善用政府場地資產，提升商業參與，是十分重要。
另外，除咗善用城市空間發展 #城市運動 外，我亦希望政府能夠租借物業讓業界拍攝電影。呢方面同市民大眾關係或者不大，但其實係每日演藝業界都會面對嘅問題，幕後製作人員為咗尋找合適場地真係費盡心思，我自己嘅議員辦事處都不時收到演藝業界相關求助。
其實方便演藝界嘅拍攝，將政府嘅設施、物業放上大銀幕，政府不但能夠善用設施賺取收入，更加可以依托電影設計 #電影旅遊路線 ，吸引遊客。
要多元化改善政府財政收入並不容易，我相信當下亦係一個機會，讓政府可以審視自己擁有嘅資源，重新規劃，多加利用。