【 有DUCK玩 】廣東千古情｜臥底旅行團$159有冇中伏？ 大型歌舞劇場值回票價｜深中通道開通｜物超所值｜樂翊榆 Yick-Yu Annalise LOK 

【 有DUCK玩 】廣東千古情｜臥底旅行團$159有冇中伏？ 大型歌舞劇場值回票價｜深中通道開通｜物超所值｜樂翊榆 Yick-Yu Annalise LOK
兩日一夜遊佛山同中山，每位$159團費因為《廣東千古情》大型歌舞表演已經有賺，跟住落嚟嘅行程，究竟係會令成個體驗加分定係扣分呢？首先去到住嘅酒店，四星不愧係四星，絕對係好過三星，但係又控制返唔會去到五星，應有嘅嘢盡有，包埋個早餐，以瞓一晚嚟講真係冇得頂。第二日坐個半鐘頭車由佛山去到中山，就係為咗去一個叫天津達仁堂嘅地方，增進中醫知識，順便畀大家買返啲靈丹妙藥看下門口，至於啲補藥有咩功效？見到啲哥哥姐姐買得咁開心就知好嘢嚟啦！跟住就到食飯時間，萬眾期待嘅鮑魚雞宴嚟喇！由於係唯一成團人坐埋食嘅一餐飯，所以大家都爭取機會好好交流，話題就梗係離唔開對呢餐嘅食評啦！位位都大師上身，對呢餐連團費都唔知點計嘅lunch評頭品足，整體評價一致裁定只有個炒豆角入得下口，其他就自己睇片啦！最後本身仲有個神灣菠蘿園活動，聽講可以任摘菠蘿，不過任摘還任摘，摘完隨時逐個計，不過呢日天意「助」人，由於天氣唔係太好，所以結果係改行程去就近嘅Walmart shopping，絕對係慳水慳力慳時間之選，最緊要係慳錢，因為Walmart斷估都冇佣拆，領隊一定唔會逼你買嘢，大家開開心心散完步就返香港。完！
🏙️行程重點
酒店：入住佛山柏曼酒店 () 約$200/晚
購物：天津達仁堂 (樂家老舖)
團餐：醇品大酒樓 (鮑魚雞宴)
活動：Walmart散步 (原定神灣菠蘿園活動因天氣關係取消)
📍地址
廣東千古情景區
佛山市南海區西樵鎮樵高路86號
#好玩就DUCK #臥底旅行團 #深中通道 #中山旅遊 #佛山旅遊 #廣東千古情 #千古情景區 #歌舞表演 #鮑魚雞宴 #達仁堂 #神灣菠蘿園 #打卡 #純玩團 #兩日一夜 #短途旅遊 #北上消費 #好玩推介 #探店 #vlog #traveler #trip #lokyickyu #樂翊榆