今日我地就黎到西營盤嘅東邊街電車站，西營盤除左一條長命斜之外，最有特色既應該就係隨處可見嘅百年老店同街坊小店。所以今日我地就準備黎一個港式風味之旅啦！
英記麵家係一間老字號 x 米芝蓮推介再加上家庭式嘅港式粉麵小店，$40一碗單拼粉麵唔配野飲，依個已經係知名麵店嘅行列。到底算唔算貴？我地食完之後就覺得真係對得起依個價錢。
食飽左就可以有力去行下其他景點。走到高街嘅盡頭會嚟到好有遺和感嘅舊建築 - 西營盤舊精神病院，而家叫西營盤社區綜合大樓，但最多人叫嘅當然就係高街鬼屋。
之後就嚟到手信時間，疫情爆發以嚟大家好耐都冇出國旅行，成日講笑話係香港買手信囉，估唔到我地又真係係度揾到啲好值得買返屋企嘅手信！
係西營盤第三街嘅依間齒來香絕對係手信之王，這間老店一直堅持手製新鮮蛋卷及椰汁鳳凰蛋卷，遠近馳名。依度有好多林林總總嘅傳統中式餅點，好似馬仔、糯米通、杏仁餅等。老板娘建議我地可以買咗$35嘅細包裝先，咁就可以試多幾隻味。推薦大家試下佢地自家製嘅南乳餅，鹹香脆口，係滿滿嘅懷舊風味！
最後行過對面街我地會見到余均益總店。余均益依三個字，就好似辣椒醬界嘅LV gucci咁，或者用神級辣椒醬去形容佢大家會覺得太浮誇，但佢的確係一個非常能代表到香港嘅品牌。而家西營盤門市大改裝活化成一個小小嘅品牌歷史館。所以而家嚟總店，唔只可以買產品，最主要係可以認識到依個本土品牌嘅歷史！
英記麵家
西環西營盤高街32號地下
星期一至日09:00 - 19:00
西營盤社區綜合大樓
西營盤高街2號
齒來香蛋卷
西環西營盤第三街66號福滿大廈地下
星期一至日10:00 - 19:00
余均益總店
G/F, 66a Third St, Sai Ying Pun
星期一至五09:00-17:00
星期六09:00-13:00
#香港國際旅遊 #香港國旅 #香港好去處 #香港景點 #假日好去處 #週末好去處 #香港旅遊 #香港一日遊 #香港半日遊 #電車 #西營盤 #英記麵家 #牛腩麵 #高街鬼屋 #齒來香 #蛋卷 #鳳凰卷 #余均益 #辣椒醬
【26-003】
19 дек 2021
