〔真經典〕Honda「大電視」 Civic Si 一切由本田宗一郎開始 （內附字幕） |  

經典珍藏 - Honda Civic 大電視
80年代中期推出嘅第三代Honda Civic揭背版，有個別名叫做「大電視」。點解？因為同當年屋企部電視機一樣咁「平面方角」囉！今次有幸得到兩位讀者Simon同陳先生，分別借出1985年代理行貨嘅1.5i版同水貨頂級嘅Si版出嚟拍攝，我仲一早準備咗好多資料同大家分享，不過怪自己身體抱恙，做唔到現場錄音講解要改用後期配音，希望大家唔好介意。
當日讀者陳生同我一齊遊咗一轉車河，老老實實810kg車重，135匹馬力ZC引擎，無任何電子系統輔助，駕駛感真係相當好，表現夠直接。呢種感覺真係好懷念，亦係而家太多「味精」嘅新款車好難得搵到。