一生所愛 Barry & Nancy 

「一生所愛」係我數十年來極欣賞嘅音樂人，盧冠廷先生嘅作品。其實製作歌曲前，我一直都冇睇相關嘅電影！呢個版本起源於我想編一個新結他彈奏俾自己自彈自唱。編好之後，就想錄一個完整版本俾自己留念。其中一個挑戰，係搵一位合適嘅女歌手合作。
可能一般聽眾唔認識Nancy，但我相信，只要你買過本地唱片，或者去過紅館聽演唱會，你就好可能聽過佢嘅歌聲。
今次係一個好奇妙同珍貴嘅機會可以同Nancy合作。其實Nancy亦都係ACM最早期嘅福音歌手之一。我哋喺錄音過程之中漸漸熟絡，所以當我構思MV時，我加入咗好多Nancy提議嘅意念，結合成呢個最終嘅劇本，為我地點滴生活寫照留念。
Nancy喺作品將近完成時同我講：「大家能夠相遇喺世上，唔好錯過身邊每位知音人，比心機開心快樂咁相處！」