中一生演唱會首場氣氛高漲 丁文俊魏嘉信爆肌大玩脫掉 

中一生演唱會首場氣氛高漲 丁文俊魏嘉信爆肌大玩脫掉
中年好聲音一嘅十位唱將， 周吉佩 李佳 羅啟豪 龍婷 顏志恒 吳大強 支嚳儀 林鉫徫 丁文俊 同埋 魏嘉信 ，加上古淖文 譚輝智 顏米羔 同埋 黃劍文 呢晚喺麥花臣花場館開騷，場館門外一早已經聚集大批粉絲，佢哋仲好興奮咁同自己偶像嘅人型紙牌打卡。
十位中一生，為咗呢次嘅演唱會，一直閉關排舞練舞，呢晚大家都狀態大勇，為粉絲率先送上《打開天空》同埋《火熱動感LaLaLa》，吉吉話呢次演唱會主題係「十」力無限，所謂無限，就係佢哋十位每個人都會有突破，去創造呢晚嘅奇蹟。漂咗新髮色嘅Ramon、同龍婷、支嚳儀合體唱《Chotto等等》，而丁文俊同魏嘉信爆肌登場，兩人大唱《脫掉》，迅即炒熱全場氣氛，佢哋兩位有今日呢個成果，背後真係付出唔少汗水同努力，丁文俊話自己用咗兩個月時間，日日食雞胸，足足減咗15磅，而嘉信都好對自己嘅身形好有壓力，成日都望住塊鏡期待腹肌嘅出現，佢話為咗達成目標，幾乎與世隔絕，謝絕所有飯局，就算出席，都要奉行無飯政策，真係一啲都唔容易。
而支嚳儀同Bill哥哥就Rap住唱廣東歌《係咁先啦》，Bill哥哥都話有啲被考起呀。而吉吉就化身白馬王子，邊唱邊跳拉丁舞，佢都好感激中二嘅尹新杰幫佢排舞，令佢呢次嘅演出更完美。之後吉吉、Benson、嘉信就以喊包三兄弟出場，喺演唱《忘情森巴舞》時，突然三位嘅太太以限定女團「愛夫堅」登場，真係名副其實嘅夫唱婦隨，三位太太為咗呢次嘅演出，落力排舞，真係誠意十足，而佢哋嘅小朋友亦都上台送花，場面真係好溫馨呀。之後眾人以一曲《無言感激》為首場嘅演唱會劃上句號。
而中二生嘅「四大天王」古淖文、譚輝智、顏米羔同埋黃劍文，呢晚就以表演嘉賓身份出現，四位送上一曲《廣播道Fans殺人事件》，佢哋仲好有心咁，將原本歌詞中嘅歌手名改為中一生嘅名字，真係既有創意又識搞氣氛。
#中年好聲音一 # 十位 #唱將 #周吉佩 #李佳 #羅啟豪 #龍婷 #顏志恒 #吳大強 #支嚳儀 #林鉫徫 #丁文俊 #魏嘉信 #爆肌 #愛夫堅 #中二生 #四大天王 #古淖文 #譚輝智 #顏米羔 #黃劍文
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

Развлечения