何超儀分享餐桌禮儀大忌 每晚睇電視苦練筷子功 

何超儀分享餐桌禮儀大忌 每晚睇電視苦練筷子功
何超儀分享餐桌禮儀大忌 每晚睇電視苦練筷子功
Josie Ho #何超儀 雖然近排落力籌備演唱會，不過都不忘錄網上節目分享生活趣事，今次佢就搵嚟演唱會嘉賓 林二汶 Eman Lam ，二人暢所欲言，而超儀貴為賭王千金，原來自細學習餐桌禮儀。 講到食中餐揸筷子，超儀笑言當年喺一家人睇電視嗰陣進行「修煉」，指媽咪通常趁電視黃金時段，拎出一對銀筷子及一盆波子棋嘅波子出嚟，要超儀夾晒啲波子去另一盆，然後再做一次，之後先可以入房瞓覺，超儀憶起當時好易夾到手指痛，仲話第一次用咗個幾鐘才完成，每晚均要練習，歷時足足練咗幾個月，果然大家閨秀嘅餐桌禮儀唔簡單。 何超儀亦有分享餐桌禮儀大忌，絕對唔可以飛象過河咁夾餸，如果坐低夾唔到，就要揸起隻碟企起身先夾餸，謹記餐具碰撞嘅聲係中菜餐桌大忌！動作要慢，超儀又話埋枱食飯，必定等長輩先起筷，如果自己真係好肚餓，佢就會出「絕招」，先夾菜畀長輩，然後自己開始食，最好先夾前菜。 #何超儀 #林二汶 #賭王千金 #中菜 #餐桌大忌 #餐桌禮儀
#TVB #無綫新聞 #News #StayHome #WithMe #跟我一樣 #宅在家