倫永亮點名讚羅啟豪唱出好聲音｜ 陳美齡孖孫女遊夏威夷樂而忘返｜HK E News 娛樂新聞報道 

倫永亮點名讚羅啟豪唱出好聲音｜ 陳美齡孖孫女遊夏威夷樂而忘返｜HK E News 娛樂新聞報道
Anthony Lun 倫永亮 、陳美齡細語 、霍啟剛及郭晶晶等呢日現身港樂50周年晚宴，倫永亮將為葉麗儀8月演唱會做音樂總監，雖然忙於製作音樂，但係Anthony都有留意樂壇動向，仲開名大讚《中年好聲音》唱將 羅啟豪 Ramon Lo 。
Anthony更透露寫歌原因：「我一直覺得呢位小朋友唱歌很好，佢去年戰戰兢兢走過嚟問我可唔可以為佢寫隻歌，結果我寫咗《相信相信》，佢真係唱得好好，感動到我。」Anthony仲歡迎後輩向佢要歌，因為佢好鍾意同新一代歌手合作。
同場嘅陳美齡預告明年2月將同港樂合作兩場演唱會，佢話相當期待，而早前同家人去夏威夷旅行，佢都話樂而忘返，特別係唔捨得同孫女分開，一歲嘅孫女相當可愛，仲成日話掛住嫲嫲，要爸爸同嫲嫲通電話，令陳美齡甜在心頭。
#倫永亮 #羅啟豪 #中年好聲音 #陳美齡 #霍啟剛 #郭晶晶 #港樂 #葉麗儀 #點名 #稱讚
#TVB #無綫新聞 #News #StayHome #WithMe #跟我一樣 #宅在家