周海媚離世丨舊愛呂良偉網上悼念 林家棟難忘合作《大鬧廣昌隆》時光
被譽為最美周芷若嘅周海媚，12月11日於北京離逝，其工作室聯同周海媚媽媽及家人，於12號晚喺網上證實噩耗。
「我們沉痛的告知大家：
海媚姐因病醫治無效，於2023年12月11日離開了我們。
願天堂沒有疾病，願來生我們再相識！
周海媚工作室
2023年12月12日
親愛的海媚，希望你到了另一個世界會繼續快樂，家人以你為榮。
母親率全家人
2023年12月12日 」
工作室及佈嘅內容入面，雖然未有交代海味嘅病情，但網上就傳出海味當日入院搶救資料，病歷中顯示患者系統性紅斑性狼瘡同高血壓，同時送院時已心跳停頓。有傳海味因血小板過低而喺屋企暈低，可惜送院後返魂乏術。
舊愛呂良偉得知海味死訊後，悲痛喺社交平台留言：「太突然了！海味，一路走好。聽到這個消息久久不能平靜，謝謝你帶給世界這麼多美好，願你在另一個世界繼續歡笑。希望家人節哀，保重身體。」仲有同海味多次合作嘅張兆輝、好友范冰冰、李治廷、葉璇、張文慈等都有發文悼念。
海味最後公開曝光片段，係12月7號佢嘅工作室發佈嘅一條短片，當時手執太陽花嘅海味笑得相當璨爛。而12月6號，海味亦喺自己社交平台發佈祝賀自己57歲生日號帖文，估唔到相隔5日就天人永訣。
投身演藝圈38年嘅海味1985年參加香港小姐競選入行，之後加入藝訓班，出道作即與劉德華、梁朝偉演出重頭台慶劇《楊家將》，之後亦參演多部重點劇集，例如《今生無悔》、《義不容情》、《天地豪情》等，成為當紅花旦。海味唔止喺香港紅透半邊天，90年代更應台視邀請參演《倚天屠龍記》，間接為佢打開華語市場，海味扮演嘅 周芷若 更被奉上神壇，至今仍然被封「最美周芷若」，當時更獲原著金庸送贈親筆簽名《倚天》作紀念。
後來海味重返香港拍劇，同林家棟主演嘅《大鬧廣昌隆》扮演女鬼小芙蓉，上演可歌可泣嘅人鬼戀故事，備受觀眾追奉，劇集唔單止係年度收視冠軍，亦成為經典劇集，令周海媚人氣再攀高峰。林家棟透過語音短訊嚟懷緬舊拍檔：「我覺得海味係一個好開朗嘅人，我哋嗰陣開工成日萬歲。」家棟又指對上一次見海味，已經係好多年前接受黎芷珊嘅訪問。
千禧年後海味將事業重心轉到內地發展兼移居北京，至2008年回巢TVB拍攝《向世界出發》仲有《學警狙擊》。2012年再次以外援身份拍攝《神鎗狙擊》做女一，更有份提名萬千星輝頒獎典禮2013最佳女主角，海味當年更鮮有出席頒獎禮。
向來感情低調嘅海味出道以來只係公開過兩段感情，喺1988時同呂良偉喺美國拉斯維加斯秘密結婚，可惜婚姻僅維持短短一年告終。及後到2010年海味受訪時公開有位建築師男友，不過到2015年時就坦承雙方12年情已逝，感情未能開花結果。
#周海媚 #病逝 #北京 #57歲 #周芷若 #小芙蓉 #最美周芷若 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
12 дек 2023
