大鬧廣昌隆 [上卷] 【南音】【唐健垣 演唱】 唐藝軒南音茶座存珍 

大 鬧 廣 昌 隆 唐 健 垣 唱 客 店 遇 鬼
檀 板 響 ，各 位 喜 地 歡 天 。各 位 聽 完 呢 一 段 ， 咁 就 快 樂 年 年。話 說 有 一 位 ，落 第 嘅 秀 才，叫 做 係 劉 君 獻 ，佢 在 羊 城 賣 絨 絲 線 啫，日 日 係 四 圍 捐。呢 有 一 日 生 意 滔 滔，未 得 係 回 鄉 轉，無 奈 暫 投 一 間 旅 店 咯 ，咁 就 欲 得 安 眠。點 想 時 運 低 嚟 兼 命 蹇，有 一 間 客 房 有 鬼 嘅 喎 ，（白：哈！）徧 徧 就 住 入 裏 邊。原 來 客 店，從 前 係 隔 離 妓 院 ，有 個 姑 娘 廖 氏，咁 就 吊 死 在 床 前。好 啦，劉 生 佢 入 房，咁 佢 放 下 嗰 啲 東 西。只 見 床 舖 枕 蓆，擺 設 樣 樣 整 齊。但 係 有 一 道、有 一 道 靈 符，貼 在 門 扇 裏 底 噃，哈！又 有 一 揸 ：楊 柳，在 門 角 來 擠。咦！嗰 啲 擺 設 ，得 咁 邪 門 ，似 乎 專 為 治 鬼 噃，吓！何 况 房 門 上 便，又 掛 一 幅 鍾 馗劉 生 呢 ，佢 從 前 ， 係 唔 信 有 鬼 ，自 問 生 平 正 直，亦 無 心 虧 。咁 佢 洗 面 上 床 ，咁 就 捐 入 被 底 ，咦 ！點 知 未 曾 合 眼 啫 ，又 覺 得 心 跳 神 迷 。（白：呼！嘩！啍！）房 外 飛 沙 走 石，嘈 嘈 閉，（白：汪 汪！）雞 鳴 狗 吠，（白：哈！）唔 知 做 乜 嘅 東 西。跟 住 啪 一 聲，道 房 門 嗰 陣 無 風 自 啟 ，（白：呼 ！）嗰 啲 陰 風 陣 陣 ，有 個 女 人，（白：哎 吔 ！）躡 入 嚟 。嘩 ！鮮 血 呀 、鮮 血 淋 漓 ，睇 見 就 反 胃，嘩！佢 又 披 頭 散 髮，企 在 嘅 開 底（音 低）。嗰 陣 劉 生 閉 目，（白：唉 吔！）真 係 唔、唔 敢 睇 ，哎 呀！呢 、 呢 次 弊 啦，（白：觀 音 呀！）嗰 陣 牙 關 打 震 ，震 巍 巍 。嘩 嗰 隻 鬼 魂 入 房 雙 眼 放 綠 光。吓！因 何 在 我 床 上 ，瞓 一 個 少 年 郎 。嗰 陣 女 鬼 飄 上 前 ， 咁 佢 高 聲 喝 響，（白：喂 你 重 唔 走 ！）你 走 遲 一 步，我 就 把 你 生 劏。嗰 陣 劉 生 聞 言，真 係 心 膽 喪 ，佢 就 無 奈 咯，伸 出 個 頭，咁 就 哀 叫 一 句 姑 娘 。（白：姑 娘 呀）我 係 落 第 秀 才，（白：我 賣 絨 線 嘅）我 唔 係 賊 黨 ，今 日 收 工 遲 滯 啫，係 惡 還 鄉。咁 我 到 嚟 、到 嚟 投 店，佢 話 剩 得、剩 得 呢 間 房 咋，咁 我 但 求 一 宿，無 心 嚟 攪 擾 阿 姑 娘 。係 呢 ，阿 仙 姑，你 得 咁 悲 啼，係 因 何 命 喪 ，你 有 何 冤 枉 呢，得 咁 心 傷。你 若 有、若 有 冤 情，不 妨 對 我 直 講，我 共 你 衙 門 去 伸 訴 啦，免 你 咁 悲 凉。哦！女 鬼 聽 聞 君 話 講，哦，原 來 君 子 你 係 個 秀 才 郎。若 要 我 把 根 由，來 直 講，又 怕 秀 才 唔 肯 呢，為 我 幫。唏！劉 生 回 答，話 我 就 唔 會 咁 樣 嘅 ，我 若 還 做 得 到，不 怕 昧 水 舂 牆。喂 ！但 係 煩 嬌 ，你 轉 變 花 容 樣，（白：好 嗎？）免 使 見 你 花 容 ，使 我 帶 有 驚 慌 。唏 ！我 心 驚 膽 跳，係 聽 唔 到 你 講 㗎 ，勞 煩 把 你 花 容 轉 變，咁 我 慢 慢 商 量。個 女 鬼 答 言 ， 佢 話 我 唔 變 得 個 樣因 為 冤 仇 未 報，我 係 要 咁 兇 狼。咁 啦，煩 君 你 落 下 嗰 道 青 紗 蚊 帳，等 我 冤 情 來 訴 上，免 使 陰 陽 相 撞，使 你 驚 慌。嗰 陣 劉 生 話，（白：係 咯 好 啦，）你 因 何 命 喪，攪 到 含 冤 咁 嘅 樣，請 你 從 頭 細 說 、說 端 詳。陰 魂 訴 恨、嗰 陣 冤 魂 聽 ，淚 紅 飄。多 承 你 相 問 ，我 叫 做 廖 小 喬。只 為 幼 年 我 雙 親 喪 了，幸 得 嬸 娘 憐 憫，養 育 我 阿 嬌 。不 幸 呀 叔 父 為 人 真 不 肖 ，為 咗 白 銀 二 百 兩 ，就 賣 我 入 娼 寮 。唉 ！呢 啲 皮 肉 嘅 生 涯 ，把 我 命 要，為 咗 花 銀 二 兩 ，我 捱 到 通 宵 。我 就 積 少 成 多 ， 銀 不 少，積 有 銀 不 少，只 望 從 良 贖 身，永 別 娼 寮 。唉 ！有 一 日 ，遇 著 一 個 客 人，叫 做 懷 安 ，佢 身 姓 趙 嘅 佢 係 假 情 薄 倖 ，又 無 腰。將 我 白 銀 完 全 來 騙 了，佢 就 心 腸 改 變 啦 ，對 我 眼 尾 都 唔 瞧 。 唉！我 人 財 兩 散，悲 不 少，時 常 自 怨，苦 命 嘅 阿 嬌。嗰 晚 人 靜 三 更 ，人 靜 、三 更，唉 我 哭 不 了，人 靜 、夜 闌，心 如 刀 撬，我 就 紅 衫 穿 上，投 繯 吊 死 在 繩 條。唉！君 子 呀，自 從 我 懸 樑 死 了 ，我 就 晚 晚 回 魂，响 處 鬧 通 宵。想 話 去 報 仇 ，但 係 無 路 票，今 日 得 逢 君 面， 望 你 幫 我 、 幫 我 雪 恨 迢 迢 。唉 嗰 陣 劉 生 聽 話 喎，唉！姑 娘 你 確 慘 悽 。但 我 如 何 為 你，報得仇嚟 。個 女 鬼 話，呢 層 你 唔 使 閉 翳 ，我 有 白 銀 三 百 兩，在 地 下 藏 低。就 在 秀 才，你 床 下 底 上 頭 為 記 ， 有 堆 浮 泥。吓！嗰 個 劉 生 答 話，（白 ：哎 呀！） 我 唔 敢 制 嘅 ，你 哋 陰 曹 所 用 ，乃 係 金 銀 錢 溪 。呢 啲 冥 幣，陽 間 無 人 使 㗎，唏！個 女 鬼 話，你 毋 庸 誤 會，呢 啲 乃 係 銀 嚟。明 日 你 起床 ， 掘 出 來 睇 吓 啦 ，咁 你 自 然 掘 到 ，嗰 啲 白 銀 、閃 閃 嘅 生 輝 。然 後 呀 ，去 城 隍 廟 內，買 一 張 路 票，重 要 買 把 新 遮 仔 ，咁 我 就 匿 埋 遮 入 便，跟 你 去 周 圍。因 為 無 主 嘅 孤 魂 ， 被 土 地 神 管 制，不 准 報 仇 入 屋 ，確 慘 悽。我 需 要 有 城 隍 嘅 路 票，至 得 經 過 啲 神 位 ，又 要 匿 埋 遮 裏 便，入 夜 把 人 迷 。咁 你 一 直 帶 我 去 到 、 去 到 二 牌 樓，有 間 廣 昌 隆 舖 位 ，要 將 遮 仔 運 入 去 ，借 意 就 丟 低 。咁 樣 入 夜 我 就 出 嚟 ，報 仇 施 計 ，然 後 你 就 返 嚟 ，取 回 遮 仔 ，跟 你 我 返 嚟。嗰 陣 劉 生 聽 罷，言 句 令 計 ，好 啦 ，姑 娘 唔 使 咁 悲 悽。忽 聽 得 樵 樓 三 鼓，聲 相 繼，（白：蓬 蓬 蓬 蓬 又 到 又 聞，四 鼓 、（白：喔 喔 喔 喔！）又 雞 啼 。（白：汪 汪 汪 ！）咦！何 以 雞 啼 三 聲 呢，忽 然 變 狗 吠，原 來 嗰 啲 雞 啼，太 慘 悽。有 隻 肥 狗，叫 做 嘟 嘟，十 、十分 曳，一 啖 將 隻 雞 頭，咬 落 嚟 。嗰 陣 女 鬼，即 時 忙 下 禮，無 阻 滯 ，陰 風 一 陣，不 知 去 了 東 西 。但 剩 嗰 個 秀 才 ，在 蚊 帳 裏 底，真 係 唔 使 計 啦 ，時 低 兼 運 滯 ， 居 然 同 隻 女 鬼， 講 到 雞 啼。好 啦 續 唱 嗰 個 趙 懷 安 ，當 日 把 人 害，將 人 錢 財 騙 盡，就 把 佢 離 開。佢 估 話、估 話 從 今 呢，係 榮 耀 在，料 想 嗰 啲 冤 仇，係 無 得 報 來。佢 就 另 娶 一 個 董 姑 娘 ， 就 忘 舊 愛 ，開 間 廣 昌 隆 雜 貨 ， 係 駿 業 宏 開 。就 在 廣 州 城 嘅 二 牌 樓 ，嗰 條 巷 內 ，經 營 有 道 ，大 發 橫 財 。好 啦 ！ 又 講 到 呀 ，講 到 個 劉 生 ， 去 到 城 隍 廟 內 ，佢 無 心 遊 玩，就 去 拜 閻 君 。將 廖 小 喬 嘅 沉 冤，向 閻 王 稟 呀，係 否 應 該，我 應 否 係 幫 吓 佢 呢， 咁 我 叩 問 靈 神 。若 係 佢 報 仇 嘅 時 機 近 ，請 靈 神 指 引 ， 咁 我 叩 謝 、 叩 謝 靈 君 。劉 生 問 罷 咯 ， 就 把 筊 杯 嚟 抌 呀 ，（ 白 ： 鐸 鐸 鐸 ， 嘩 ！） 果 然 勝 杯 三 次，好 事 來 臨 。 好 啦 ！
陳作賢師傅，五六十年代為廣州粤劇行多面手，精于掌板，大提琴，三弦。八十年代定居香港，以教曲，伴奏為業，桃李满門。語云：‘’千日琵琶百日筝，半世三弦不成声‘’，极言三弦之難学難精，而陳作賢三弦已技进乎藝，拍和粤曲齊，隨，標，撞之法，行内許為正宗！唐健垣80年代以來四百场南音公演均禮聘陳氏主三弦。唐公戲云，：張椰胡，吴秦琴，陳三弦，唐古筝，有如金庸所寫華山論剑之東邪，西毒，男帝，北丐，而甘明超之豉味腔為《中神通》，澳门区君祥吹，弹，打，唱，皆為能者！唐健垣老師由八十年代開始 在港島上環的大觀茶居, 九十年代搬到九龍太子區的芝蘭樓設唐藝軒,
主持了數百場南音茶座, 當時吹、彈、奏、唱、精英雲集。做就一時盛況。當日知音流連雅座, 樂迷拍掌支持叫好的情景, 令人無不冿津回味不已。不負當年杜煥先師真傳之情。惜甘張吴陳四老皆仙去矣！嗚呼！唐公哀世衰道微，南音小组瓦解，元音不再，欲将卅年積存之南音视频音频带二千，效杜十娘怒沉百寶箱，一舉付諸波神！子喉唱家譚笑梅费心费神，（要将唐公存带一一细聽，判定棄留，可留者送到北角一店請轉為cd 或dvd，隔日去取碟回家将之轉入電腦。如曲有誤，需细心接驳！整理出較清晰之甘老、唐公、資深前輩视频音频百餘，分日于網上公諸同好饗曲迷！
譚笑梅說明：本視频乃入場觀眾席用小機所攝錄，樂器聽得较清楚者，唯張國雄拉唐健垣藏之清代古椰胡，陳作賢師傅弹清代小三弦尤出神入化！
【唐健垣演出最新演出資訊:】 請連結以下網站
tangjianyuan.or...