巴士-鬼故事 (恐怖好笑)｜閒聊之王- 萬聖節故事 (尾班巴士)繁體中字 

萬聖節鬼故(尾班車)｜創作自:閒聊之王
萬聖節 Halloween ，嗰晚，巴士公司為咗疏導玩通宵嘅乘客，專登加設咗一條臨時巴士線，呢條臨時巴士線嘅巴士，車牌號碼係PK9413，九死一生?聽個名已經感覺到唔多吉利，但更唔吉利嘅係，呢架車原來曾經發生過多次離奇交通事故，死過好多人。
因為某啲原因，架雙層巴士平時都係泊喺車廠，只會喺唔夠車用 或者臨時特別調動嗰陣先會用到。由於行內人都知道呢單嘢，冇車長願意揸呢架車，萬聖節嗰晚部門主管只好安排抽生死簽，邊個抽中就要負責揸呢架臨時通宵巴士，小明最怕返夜更，更加唔想揸呢架車，於是自顧奮勇，主動話要抽先，心諗:第一個人抽就中獎嘅機會應該係最低，但好唔好彩，佢真係抽中咗下下籤，不幸成為咗嗰晚萬聖節臨時線嘅巴士司機。
天若有情風不息。 地獄無門真勁勁。究竟咩原因，驅使一個年青人，萬聖節冇得去玩，仲要夜媽媽工作? 係愛，定係責任?。只知道嘅係。小明轉眼間已經捱到嗰晚萬聖節臨時線嘅最尾一班車。揸咗四五轉，一啲事都冇發生。諗起頭先又寫遺書又舉行啲乜春春儀式，心情特別差。但佢又點會諗到。可怕嘅怪事就喺尾班車發生。最尾一班車係4點44分開出，未夠鐘車站已經排咗大概廿幾人，全部都係啱啱開完萬聖節化妝舞會派對嘅乘客，個個都扮鬼扮馬，萬聖節服裝 咩鬼都有，而且好多都飲醉咗酒.....
本集影片連結 : • 巴士-鬼故事 (恐怖好笑)｜閒聊之王- 萬聖...
閒聊之王FaceBook專頁 / kqtalk
相關連結 :
第二集鬼故事(搞笑) • 鬼故- 靈異事件 [粵語 ] ｜閒聊之王【搞...
第一集鬼故事(恐怖) • [慎入] 心寒鬼故，膽小勿進!｜閒聊之王- ...
#萬聖節 #廣東話 #粵語

Развлечения