張家輝讚《中年好聲音》夠正面 提議舉辦《中年藝人好聲音》 

張家輝讚《中年好聲音》夠正面 提議舉辦《中年藝人好聲音》
節目《中年好聲音》除咗造就咗一班勇於追夢嘅中年朋友外，節目引起嘅話題同追看度同樣高企，連影帝張家輝都係呢個節目嘅忠實粉絲呀！
呢日佢接受主播 王鎮泉 嘅訪問時，就講起當年疫情時就係靠睇《中年好聲音》嘅度日，仲話第二季播出時自己係追看得最足嘅，家輝指自己最鍾意係個節目嘅本質，同時覺得呢個節目好成功，因為可以畀到中年人一個機會，至於參賽者背後嘅故事，係令節目更豐富好睇嘅元素。家輝話當自己睇到參賽者點樣晉級、淘汰、努力，見到有talent嘅人，又或者係參加過就滿足嘅參賽者，自己都會睇得好開心，同時覺得節目好正面。
問到家輝會唔會考慮嚟做嘉賓評判？家輝就話自己直頭想參加，仲問點解唔搞返個《中年藝人好聲音》，不過講多兩句家輝就話其實自己唔敢參加，覺得自己唔夠架生，家輝笑言自己一生得幾首歌唱得幾好，但喺節目中要不斷晉級唱跳幾十首，佢話成件事好困難呀。
至於講到再返TVB拍劇，家輝話有時心入面係最演嘅，但一諗到冇時間瞓覺就係一個好大嘅問題，另外最主要嘅問題就係TVB人工太低，所以冇得諗呀。
#張家輝 #中年好聲音 #鐵粉 #中年藝人好聲音 #參賽 #TVB #正面 #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0