而家買手提電腦,圖像處理絕對係重要一環,無論你係用嚟剪片工作,定係打機,顯示卡都係必須考慮嘅課題!今日就同大家講下,一啲有關筆電顯卡必要知道嘅事,而Windows筆電嘅顯示卡,最基本就係分成內顯同獨顯,內顯就即係CPU裡面,包含埋顯示卡嘅功能,不過內置得,功能當然唔可以有太大期望。
至於獨立顯示卡就有好多選擇,以NVIDIA為例,簡單分類大概就有比較低階嘅MX系列,中高階嘅GTX系列,以及最高階支援現時好流行嘅光追功能嘅RTX系列。但其實而家買得可以打機嘅筆電,基本上都以RTX為主,不過係咪用同一張顯示卡,效能就會一樣呢?答案絕對唔係,更加係可以有極大差別,而最大影響嘅,就係 TGP 「Total Graphics Power」喇!
今次影片就會用 ASUS TUF Gaming F15 呢部有 140W TGP RTX 4050 嘅手提電腦進行測試,發現就算同一部電腦,唔同TGP之下,跑分同打機性能都可以好唔同,相差甚遠,考慮緊買機嘅一定要睇!
#ASUS #手提電腦 #筆電 #TUF #TUFGamingF15 #電競 #打機 #電腦遊戲 #CyberPunk2077 #TGP #TotalGraphicsPower #RTX4050 #RTX4060 #RTX #Nvidia #顯卡 #顯示卡 #外顯 #內顯
21 авг 2024