一講到「漏水」,相信大家聽到都驚。無論係樓上滲漏、窗台漏水定係鋅盤漏水都十分麻煩。今次 Today Learn More 就將一組中國款式的去水組件更換成香港常見的款式,從中同大家分享如何更換「鋅盤去水」、「樽型隔氣」以及部份的去水喉管!
補充:水喉曲方面,可以使用「順水曲」確保做到足夠斜水。
☞☞☞漏水小tips☜☜☜
如果你係鋅盤底發現漏水情況,以下係可能出現的原因:
1/鋅盤有裂縫=>需更換處理
2/鋅盤去水有裂縫/接駁有問題=>按影片進行更換處理
3/樽型隔氣有裂縫/接駁有問題=>按影片進行更換處理
4/去水喉管有裂縫/接駁有問題=>按影片進行更換處理
哩啲位置出現漏水情況,通常都係落油灰、水喉膠布或膠圈安置不當所引致,按步就班重新安裝通常可以解決。
本次影片的原意是當戶主遇上漏水問題時,可以按需要觀察工程人員施工時有沒有做足以上的步驟,確保安全;或者工程人員未到場時,你可以初步進行觀察,可以更快更準確地找出問題所在。
而有關更換「樽型隔氣」,必需選擇有「反虹吸」的款式以符合《建築物條例》規管:「反虹吸」裝置係咩?去水系統(排水系統)很多地方都具備「反虹吸」裝置,以「樽型隔氣」為例,當中「反虹吸氣閥」的功能是減低當樓上單位排水時所產生的虹吸現象*,確保你的隔氣內的「水封」充足以防止排水管內的臭氣進入室內。
嚟緊我地會陸陸續續推出家居維修影片,大家有想認識的技巧、有家居維修問題困擾咗好耐,都可以留言討論一下及提出!奉勸大家一句,每一個D.I.Y./維修都有潛在風險,應自行判斷自己足夠技術、知識及能力去進行。有問題嘅話,歡迎聯絡 hello@todaylearnmore.hk。
*虹吸現象(效應):至於接駁隔氣彎管的反虹吸管/反虹吸氣閥的作用是平衡氣壓,當上層單位排放的污水量達到某一水平時,會產生虹吸效應,令下層單位的分支渠管出現負氣壓,足以抽走單位衞生設備隔氣彎管內的水封。
想知多啲《建築物條例》有關排水系統維修嘅詳細資料:
www.bd.gov.hk/...
TLM家居維修101
項目:更換鋅盤去水、樽型隔氣及部份去水喉管
難度:★★★☆☆
時間:90分鐘
工具:手套、水喉鉗(水泵鉗)、水喉膠布、油灰、鋸片、PVC膠水
零件:鋅盤去水、樽型隔氣、去水喉、順水曲
如果大家喜歡我哋嘅分享,不妨:畀like、訂閱同分享!如果有咩建議/有咩家居維修技巧想學想知,不妨留言一齊傾下✔
00:14 正常的去水流程
00:27 問題一:隔氣為中國款式=>更換樽型隔氣
00:48 問題二:水喉漏水=>重造接駁
01:05 問題三:去水喉沒有應有的斜水
01:22 拆除鋅盤去水
01:52 安裝鋅盤去水(購買時需注意鋅盤有沒有滿水位)
03:09 清潔鋅盤水去口
03:38 收緊鋅盤去水小tips
04:05 組裝樽型隔氣及收上鋅盤去水
04:23 改短去水直喉
04:50 試裝一次去水喉及順水曲(接駁頭),以度量去水橫喉的長度
05:15 髹上PVC膠水,以安裝去水喉(緊記兩邊夾位都要髹)
06:08 將接駁位置收緊前,應調整好隔氣及去水喉的高度,確保有足夠的斜水
06:21 待乾,最好翌日才進行試水
#DIY教學 #隔氣 #漏水 #鋅盤去水 #去水喉管 #更換 #座廁 #PVC膠水 #廚房 #廁所 #水喉膠布 #小技巧 #家居維修
2 янв 2021