曼城有錢就是原罪？金元足球禍害球壇？還是英超你管得太嚴？ 

佢哋又唔係用＄買賽果，佢哋係堂堂正正買十一個勁人打羸場波架

贊成! 講真，曼城皇朝，其實有好大原因係因為哥迪奧拿，而唔係金元足球 初初阿巴入注車仔，個陣最多都係連續兩届冠軍，都冇人話係車仔皇朝 應該等哥迪奧拿走左之後，先再審視返英超個競爭性先正確

講得好👍講出哂本人心中說話.现在世界皇馬獨大又唔見有人講.下年歐冠盃皇馬話贏左好多人都信.大家識睇足球的人.無論係唔係曼城迷都好.邊隊最好？曼城相信無得抗議！👍👍👍

贊成越多投資越好，如果唔係好似西甲咁不停皇馬、巴塞。城市足球入主後終於多年隊基羅納

非常認同, 冇老細足球, 而家英超點會咁激烈, 去到30輪嘅時候都仲有三隊波爭緊冠軍, 所有球隊對中下遊都係拳拳到肉, 係除咗頭三隊之外都冇話必然贏硬, 所以咁先好睇😅

無左曼城，英超唔會進步

同意。 其實球會只要證明到注資後， 佢可以持續發展， 咁就唔可以阻止外來注資。 所謂嘅公平競技， 係指比賽進行中公平， 例如電話門事件。 而唔係阻止外來注資⋯ 啲人話要收入= 支出（量入為出） 其實最大原則就係上面第一點， 要避免老細突然縮水後， 球會不至去到破產。 亦即是注資後， 球會要證明可持續發展嘅力。 量入為出嘅目的咪又係咁⋯ 咁同注資係冇關係。 啲人冇了解事物本意就亂噏。 以巴塞為例， 賣完尼馬咪又係攪到一鑊粥。 有錢你都仲要識發展。 車仔就係打爛自己一手好牌、 鈕卡素就穩步上揚。 壟斷之說又係亂噏， 哥帥帶隊有那一年唔係稱霸？ 阿仙奴都係由阿迪達手中越踢越勁， 球隊最重要係教練。 利記以前沉咗咁多年， 去到高普手上， 咪又係突飛猛進。 教練帶得好就推落金元足球身上， 無聊🥱

嘥氣啦，D人根本唔係唔可以金元 但唔可以唔係我支持果隊。 要公平 平均分埋個收入就公平喇 ， 唔分埋個收入對細球會／升班馬邊到公平呀？ 完全係阻緊細球會擴張同發展， 更加阻擋緊成個聯賽整體上昇。 補充返完全認同湯米既言論。🎉

15:33 讲的好！

講者理据合理，舆本人所見盡同， 只看近幾屆英超全球收视冠軍，如此受欢迎，十分成功！

12:44开始 真理

現在PSR咪就係保護幾間大會囉，紐卡素有大老細都無用！ PSR目的唔係俾球會可以好好發展，佢只係唔想有球會玩到破產，難聽啲講就係除幾隊大會外要有十幾隊其他球隊湊夠數打英超！

真心幾欣賞tommy 身為阿迷都可以咁中立去評論呢件事，反觀某阿迷頻道主，又想扮中立，但又忍唔住露出陣陣酸味

認同

講得好！

阿仙奴、曼联、利物浦三队历史底蕴深厚，球迷多，赚钱能力肯定高啦！黎D底蕴无资本力量，后面有几多队能涌上黎变big six 咩？

你問我嘅話，＄足球最怕係好似以前車仔咁本地後生仔冇哂機會，但呢幾年見到辛租科頓呢啲，就知道有＄江山自有人才出

Tommy要搞清楚，big4既稱號唔係車仔暴發後先有，係一直沿用到後期變所謂既big6。仲有老細足球還老細足球，國家機器足球還國家機器足球要分清楚，車仔阿巴紐記同曼城老細背後既係成個國家既資源去support 一般老細鬥掟錢根本冇得鬥，拉開少少去做比喻，某東方賤國向wto優勢用國家補貼唔怕蝕唔怕冇錢賺都要做，做消費者係幾好wor有平嘢用，但就對其他國家非常不公平，簡單d黎講永遠唔會夠國家機器鬥，長遠黎講肯定唔會係好事，如果大家都唔守規據既話我相信未來曼城紐記兩隊只會長霸英超其他隊只會陪跑

唔係有錢就有問題，本身set 咗某d rule 就係要令每一隊公平，但有d 球會係完全無視規則去令自己處於一個有利位置，呢個先係問題！ 車仔賣俾姊妹公司唔係為投資賺錢，係用來令自己通過PSR ，呢個就係有問題！因為本身係通過唔到的，你就出呢d 技倆去走法律罅！鏝城115條有違規就用盡方法去令到自己唔駛受罰，咁愛華頓同森林要扣分又點？ 其餘十幾隊球會跟住呢d 規則去運作咁係on9 定點？ 唔係講金元足球有問題，唔係資本主義社會就唔啱！而家係你要大灑金錢就應該跟返遊戲規則！如果因為你有錢你就可以違哂規都吹你唔漲，咁叫公平咩？

如果老細足球係玩晒，咁沙超就係世界頂端聯賽啦。點解仲係冇人睇？因為單純比錢買唔晒所有野囉。

曼城青訓咁勁都話佢害左英超？

不能同意更多 如果今日忽然有好多油王超級富豪湧晒入香港投資港超聯, 幫港超聯簽到啲世界級球星例如美欺踢東方 牙朗踢傑志, 作為香港人既你會覺得係好事定壞事? 一定係好事啦 老細足球表面上好似只會令個別球會得益獨大, 但實際上會為整個聯賽帶尼更好既球員, 更好既配套設備, 長遠對所有球迷, 相關產業經濟都會帶尼正面影響

好似德甲咁，無其他資金可以入主，好似法甲咁，得一隊油王入主，呢兩種情況都唔係利好競爭，相反英超既商業性做得好，好多球隊都有錢，其實你話引入油王球隊就絕對利多於弊，我覺得如果你英超係決定俾中東資金入主既，就唔應該設呢d 規則黎限制人地，英超黎講中東資金大量入主係增加競爭性定影響公平競爭呢？視乎你係企係邊個角度囉！ 反而我覺得資金既使用上可以多d 規定，資金唔可以集中用在轉會或者薪金上，要多方發展，案比例分配，同時要確保球會運作既可持續性

totally agree.

當今世上所有職業運動，全部都係講錢，英超哩啲頂級受歡迎尤其係添啦，冇錢，邊有好球員啊，冇錢，邊有好裝備啊，紐卡素宣布今年開始擴建聖占士，我不知幾開心，老細開水喉，又唔偷又唔搶，果班s人左膠眼紅，以為大富翁用張均富咭就搞掂你，我支持city打官司啊。英超賽會讕係左膠，有本事就平分電視轉播權利金搞個投票啊

所以香港樓價咪咁貴囉…咁香港人吾好怪樓價咁貴喇！一樣道理

拜仁，皇馬，巴塞，巴黎，邊隊成功吾係金元？

其實冇必要而家討論太多，因為結果同鋪排已經好明顯 英超罰曼城就一定，而且唔會輕！如果唔係，搞咁多嘢最後係重輕發落，英超自己顏面何存 😴😴 判罰出年有結果，哥迪奧拿話教埋出年離開曼城，又會唔會咁啱啊 😅😅😅 罰降英冠就一定唔會，英超每季起步罰扣重分（3季） + 停 10個轉會窗 應該係正路波 所以淨低呢1-2年（計埋俾你上訴一次）曼城如果仲想繼續玩英超，係僅有嘅軚3-4個轉會窗，重金簽曬D 勁人 + 有潛力新星，再 all in 青訓，重頭再來算啦 過去十幾年，拎咁多次英超，破盡英超紀錄，同市光榮令鄰居垂頭喪氣，咩威都攞盡啦。。。

冇金元， 哥迪奧拿應該會教曼聯唔係曼城

呢條例某程度係保護緊中下游同英人本土青年機會,如果放任大金主 就會好似車仔 同 早期曼城早期咁青訓冇機會 個個金主都只會外求即食球員

車仔大伯莫域治時代係嘅油王足球 佢係有錢，願意一擲千金，但都唔係真係無限 家陣曼城係等於整個國家資金嘅油國足球 如果係任意駛錢嘅話，只會係變咗另外一個世界 萬惡美帝嘅資本主義之下， NBA都要有資金上限，點解呢？

其實衣家一億買咗個球員賣方係無咩著數，人哋知你有一億唔會平比你有機會攞到著數！再講油皇球會係全方面輾壓其他無大水喉的球隊，買人，賣人，贊助，球會建設，你係無得追，你講到有利無害而我睇到係基本上無咩球隊係有利潤，而因為有油皇的出現球員的身價係不合理地上漲，之後每一隊為咗可以追到油皇球隊只可以不停負債去買人，阿記條欠債數都名列前茅！以前阿記都久唔久可以攞到英超但油皇球會的出現20年可以完全無機會，只不過過係將以前的big3變成新的油皇big3!你覺得阿記有得挑戰光頭佬的曼城？我可以同你講今年算傷病少，如果要有得打要買一個有份量的前鋒，一個有能力挑戰殺卡仔同小長天的翼，一個勁的防中，一個可以頂到o8的中場，一個有能力可以長期做正選的左閘，一個可以有沙列巴同G6八成能力的中堅！尼條買人數無三億都攪唔掂，唔係再不停負債點追😂😂😂

我曾經係球迷 香港概精工開始 因为他們把南華打到冇地方逃 之後喺阿仙奴 （因为温格 也因为佢不肯買入球星 又把好球員賣走）之后萬聯（费爵爺走之後 但被果幾個教练ruin 左 现在係曼城球迷 我意思係好睇足球要花钱 皇玛花钱少嗎 tommy讲出意思了，冇金钱来打破龍斷 大家仲有冇睇意甲 德甲 我以前喜欢的巴塞 美斯走后 我就不看了 唔通大家都想睇冇球星的球队吗 以前的奥运足球 边有人睇呀 pure and and active 足球 不如睇下u19 21 23未来之星啦 利玛 mbabe概巴黎 我一埸都冇睇过 只有一隊花錢 真儍能

鱼蛋伦-鱼蛋公平条例 一个教室 陈仔读书不厉害，但是爸爸为了栽培仔仔读书，所以花钱请最好的补习老师教他，直到他成绩终于考第一。但是班其他同学不是有钱家庭背景，家长也不办法花很多钱栽培儿子读书。老师为了安慰其他同学，而设立一个鱼蛋公平条例，陈仔爸爸不可以无限量花钱栽培儿子在成绩的跃进，导致其他同学无法跟上成绩落差。 各位如果你认为陈仔和陈仔爸爸是错的 那你要和老师和班其他同学一世吃鱼蛋 讲完 一班左胶无脑管理英蕉联赛，低死 到最后死的死穷球会，不是富球会，就是因为鱼蛋条例

其實D中下游球隊冇水可以點？

有D人就係唔知乜嘢叫破壞生態，唔比人用錢，建議你去睇港超

德國幾乎拜仁玩曬， 只係佢地買左哈利簡尼先斷左冠軍

老細足球可怕嗎？7、80年代香港全是老細足球。精工，寶路華，南華，加山，快譯通等互相對旅時紅高掛，一票難求，順便帶動了週邊產業，但當商家撤資後便趨於沒落。 我發覺大家似乎針對曼城雄霸英超，但其實有幾屆都是阿仙奴或利勿蒲在最後階段甩轆自爆才將冠軍讓給藍曼，今屆更讓紅曼偷雞赢得FA Cup，証明曼城並非無敵。 其實中小球會也有生存之道，懷斯一億，卡斯度一億，連蘇蘭基都值七仟伍佰萬，小球會低買高賣，盤算隨時好過大球會。 全世界咁多出色球員，第一冇球會可以全部買起，第二亦冇人甘心居於後備，所以話老細足球破壞體育競技簡直是無稽之談，太多的規範反為會影響比賽的可觀性。過人意見，不喜勿插。

二，三十 年前都已經有老闆開水喉買人衝成績架啦 ，有球星 成績好 咪吸引多啲人捧場 。

我首先多謝Tommy咁關注我嘅意見先 我冇諗過我嘅意見會得到你咁高度嘅重視 其實英超並唔係因為金元所以強大 相反係英超嘅受歡迎吸引左金元 英格蘭頂級聯賽嘅掘起係因為1992年 當時英冠big 5 帶領22隊英格蘭頂級球隊成立英超聯 將聯賽大覆商業化 將比賽帶到美國同亞洲市場 賺大量電視直播收入 早係2001年 當時阿巴莫域治都未入主車路士，英超電視直播收入已經比1992年英超成立之初漲左超過4倍 而英超係2004年，車路士被收購後一年已經成為歐洲最有錢嘅聯賽 所以金元足球並唔係英超變強嘅原因 就算冇金元入主 英超一樣會成長為最有錢嘅聯賽 反而係英超嘅呢種成長潛力吸引左投資者 你極其量只可以話金元加大左英超同其他聯賽消費力上嘅差距 金元足球係令到超聯球隊賺得更多 但亦都令升班嘅球隊更加難留係超聯 因為長期留係超聯嘅球隊賺得越黎越多 耐唔耐先有得踢超聯或者根本冇得超聯嘅球隊根本跟唔上 所以就算你可以呦金元有助英超發展 都唔能夠話冇ffp英格蘭足球就會更加公平 反而係差距越來越大先岩 另外 我聽到你有講法甲果邊嘅情況 其實法甲係巴黎暴發之前係好平均的 除左係仟僖年頭里昂獨霸左7年之外 都冇話邊隊有明顯奪冠嘅實力 佢地及後都被其他球隊打破皇朝 再冇贏過 本身法甲係冇一隊你所講嘅既得利益者 當時嘅法甲比起現在嘅英超同意甲 都出現過更多奪冠嘅球隊 詳情上網睇下就一目了然 所以金元係法國完全冇加大到競爭性 反而造就左一隊嘅獨大 大家又點解覺得呢件事唔會遲早係英超發生？ 再者 我見到近年沉淪多年嘅意甲 就算冇巨資投資 （蘇寧集團果種投資同城市 車路士 紐記沙特比 微不足道）冇巨資都成功復興 佢地雖然都有經歷祖記統治嘅時期 但宜家都成功百花齊放 阿特蘭大 羅馬 費倫天拿 國際米蘭 都係歐洲賽都創下佳績 再講多啲都仲有ac米蘭 拿玻里 拉素 甚至都未題祖記 現在冇人敢係歐洲賽睇少呢啲球隊 意甲聯賽系數更加可以超越英超西甲 佢哋雖然冇一隊特別彪青 但呢種反而係比係英超更加大嘅激烈性 我相信現在意甲冠軍比係英超冠軍仲要難估 個人認為西甲並冇你講得咁冇競爭性 如果你話曼城出盡九牛二虎之力奪冠 係反映英超嘅激烈同百花齊放 咁而我多年睇西甲嘅經驗 我可以同你講皇馬巴塞贏西甲都係出盡九牛二虎之力 照你嘅講法都唔應該算係皇巴超 因為唔好忘記西甲奪冠球隊數量唔多 但頭6 7名都係質素嘅保證 唔講三頭馬車 大家唔好忘記維拉利爾 西維爾 係歐戰面對強隊都總可以交出成績 甚至係反殺巨人 耐唔耐又有切爾達 基朗拿 皇蘇 畢爾包等比到驚喜 我可以同你講呢啲球隊絕對唔係任何一隊強隊hea踢可以戰勝 歐洲對賽成績可以說明呢點 就算西甲激烈性不及英超 都唔係你講嘅差距咁遠 如果曼城4連冠都唔算獨大 咁皇巴衛冕都有難度咁點叫做獨大呢？如果近年得兩三隊奪過冠係叫唔平衡 現在嘅英超又何嘗唔係得兩三隊冠軍？咁點解英超呢種競爭就叫百花齊放 而西甲就係皇巴玩晒呢？西甲係歐洲嘅成績唔差過英超好多嫁喎 而且唔好忘記西甲同樣都有好嚴嘅規定去限制球隊嘅洗費 咁點解就有人認為英超聯唔應該有相關規則呢？ 至於德甲拜仁嘅獨大 係我眼中都係無可奈何 人地務實嘅文化重視嘅就係足球本身 並唔追求係商業同關注度上追趕英超 就係專注係踢好比賽同訓練好年青人同教練 即使係咁 德甲球隊都往往係歐洲比到威脅唔同球隊 而純尚呢種理念嘅例子就有德國人卻奧斯都好鄙視金元足球 佢拒絕加盟曼城 留言批評年輕人出走沙特 所以先引發沙特球迷嘅不滿 而佢就係一位出名密密踢波唔求關注嘅頂級球員 同德國嘅意志一樣 你亦都唔好忘記德甲入座率係冠絕五大聯賽 人哋都仍然係好喜歡足球的 你點能夠話拜仁令到德甲失去吸引力 人哋德國人睇拜超都唔會想搵個人出黎收購賀芬咸 萊比錫 禾夫斯堡出黎打破平衡 證據就係呢三隊都係德甲最不受歡迎嘅球隊 欣賞邊一種理念其實都係睇球迷個人 我明白我講咁多論點 一定有啲有力啲 有啲冇咁有力希望唔同意嘅唔好只係針對我嘅某一點攻擊 諗清楚我講左嘅所有論點再回應

咁超級大馬主又從來無限制.尤其在外國.

哈哈,冇老細,夾錢租場踢呀,都傻傻地..

係囉!冇錢學咩人踢波呀!

tommy真係唔識波😂

再讲拜仁，边个好波，就买边个！从多蒙德抢球员少咩？