脊椎是由一串硬骨（椎體骨）和軟骨（椎間盤）組成支撐上身的重量。但椎體骨看來像木盒多過磚塊，當病人有骨質疏鬆時木盒變成紙盒，少許壓力便足夠壓扁椎體骨造成骨折，引發嚴重背痛或下肢無力。這樣骨折可以用水球脊骨骨折復位 、脊骨支架植入方法治療。更多資料可以在以下網頁看到：brain-spine.com...
#骨質疏鬆 #脊骨骨折 #微創治療 #水球脊骨骨折復位 #脊骨支架植入
預防骨質疏鬆症嘅方法係做適量嘅運動同均衡飲食，平時攝取充足嘅鈣質同吸收維他命D就可以增加骨質嘅形成。
而治療方法有兩種，第一種係藥物治療，當確診病人患有骨質疏鬆症，一線治療係透過藥物同補充鈣質，但係單靠用藥對骨折癒合幫助其實較為有限。以脊椎骨折為例，接近半數患者嘅痛楚會持續一年，甚至會出現新嘅脊椎骨折。另一種係手術治療，當骨科醫生診斷骨質疏鬆症嘅嚴重程度之後，如果合適嘅話，醫生會建議進行手術處理骨折或者骨骼脆弱嘅部分，手術包括有傳統開放式手術或者脊椎支架植入手術。其實一般關節退化、骨刺都唔會痛到連坐、企、轉身都有困難。關節發炎或者肌肉疼痛嘅時候，食一個星期嘅消炎止痛藥，痛楚九成都會消失。老人家又甚少有急性椎間盤突出。所以老人家如果突然發現有嚴重嘅背痛、坐同企都困難，一定要考慮係咪因為骨質疏鬆而引至脊椎急性骨折。
水球骨折復位及脊椎支架植入手術好處：
水球骨折復位及脊椎支架植入手術相比傳統開放式手術較為簡單，好處包括：
手術時間比較短，只需約1.5小時
傷口較細，癒合得快
減痛效果亦都較快，手術後第二日便可以落床走路。
住院時間亦都較短，平均24小時內就可以出院
拼發症風險較低
康復之後可以如常走動
12 дек 2017
