除了 CLS，亦歡迎你用 Super Thanks 支持我哋繼續用心製作🫶
有你哋支持，我哋會走得更遠
1. 喺 RU-vid 影片下方（即係Like Dislike的一行）點選「超級感謝」（Super Thanks）；
2. 選擇你想支持嘅Super Thanks金額，目前有：$HKD10、$HKD25、$HKD50、$HKD250四種選項；
3. 透過 App Store/Google Pay 來使用信用卡或預付卡購買，成功後畫面上會出現一個感謝的小動畫；
4. 而成功購買後，喺留言處亦會用彩色來凸顯你的留言，也會顯示你贊助的金額。
多謝你支持娛壹！☺
你的支持❤讓我們得以繼續前行🙌
請訂閱《娛壹》Patreon：
bit.ly/3hZtP25
入行4年的洪嘉豪（Kaho），昨晚（13日）於安盛竹翠公園舉行《The Cycle of…Kaho Hung Live 2022》尾場演出，MC張天賦、Anson Kong(江𤒹生) 、肥仔梁業、魏浚笙（Jeffrey） 、白只、陳凱詠（Jace)等捧場支持。
當《騷靈情歌》音樂響起，觀眾已經興奮狂叫，Kaho笑道，「咁快知，咁一陣叫大聲啲。」當張敬軒（軒公）出場時全場狂呼，唱畢兩人相擁，Kaho坦言見到軒公已想喊，但《騷靈情歌》不易唱，不想唱得不好，惟有死忍眼淚，他說：「我第一個騷好想同好重要嘅人分享，軒哥，我識你20年，我點會估到有呢一日可以請你做嘉賓，仲要攞住你支咪喎....」軒公搞笑答：「好開心我支嘢可以晚晚陪住你，哈哈哈！」全場爆笑。
軒公又說：「我剛剛同Kaho拍咗兩個月戲，佢平時喺劇組寸寸貢，今日做咩咁謙虛？我哋《超神經械劫案》班演員，好似Jeffrey、白只，今晚幾乎成個劇組嚟晒撐你，勁呀你！」Kaho即時澄清：「唔係呀，我邊有寸，係白只佢哋搞到我咁！」
軒公指看着Kaho成長，見到對方有今日的成就，很為Kaho感到驕傲：「Kaho對我嚟講，真係親生細佬咁，我識佢嗰陣佢毛都未有，哈哈，唔係，係中學都未讀，仲讀緊小學。喺Kaho媽咪眼中，呢個仔都係洪家驕傲，鋼琴又叻，有天份，之後佢讀演藝，你問我，喺Kaho音樂事業上面我冇幫佢太多？今日佢企到喺台上，真係全靠佢自己努力同大家嘅支持，今晚直情好似去咗韓國睇音樂會咁，好靚！」
Kaho被軒公的說話感動，說：「我想同你講，上次你送支咪畀我，希望我可以喺自己個台唱歌，我做到啦，多謝你。軒哥，下次！我紅館我再請你！」全場歡呼，兩人再來個擁抱。
Kaho返後台換衫時，軒公又再給Kaho光環，「我真係好戥佢驕傲，Kaho演藝畢業之後由低做起，做過舞台音響等等好多基層工作，佢唔同一般歌手、同齡新人，佢冇一份浮躁。我記得有一次我喺澳門開演唱會，我想落台聽吓音響聲音，心血來潮叫Kaho上台幫我唱試吓聲，等我可以喺台下觀眾席聽吓，佢驚都冇驚過就戴上Ear Mon，拎住我支咪就唱咗以下呢首歌，之後我每次再唱呢首歌，中間一些節奏同樂曲上處理，我都係跟洪嘉豪版本，同CD版有唔同，呢啲所有嘅不同都係由洪嘉豪而來，為大家送上《櫻花樹下》。」
安歌部份，Kaho收禮物收到手軟，歌迷又不停叫除衫，Kaho最終應大家要求，拉起少少衫還360度轉向歌迷派福利，露少少腹肌已令院友大叫大嗌，Kaho直言：「要再多啲？下次紅館見！」
13 ноя 2022
