深水埗公園13米滑梯 

拍攝地點深水埗公園
位置喺麗閣邨與富昌邨榮昌邨中間，深水埗公園游泳池隔離。
本身開放已久，但係兒童設施作一次大型嘅翻新，重新設計一啲合乎年代嘅兒童設施，唔悶蛋，甚至係刺激。設施喺11月26號重新開放，有小型滑梯、沙池、繩網、浮橋及一條三四層樓高(13米)嘅瀡滑梯，高度可謂數一數二。
氹氹轉、千秋亦都唔少得。
而千秋嘅設計都非常特別，第一次見咁樣圍圈形式嘅千秋，仲有對坐嘅、獨享嘅，圓形分享嘅各適其適嘅千秋。
另外仲有繩網陣及相信係一啲噴水嘅設施，不過嘗試撳掣就冇反應。最後就係簡單嘅小型彈床～跳跳跳。
影片開初係接近榮昌邨嘅入口，而影片嘅尾段就係麗閣邨嘅入口。拍攝影片嘅時間係12月頭即係星期日，人流非常之多。出片前晚星期四見到就冇幾多人。
影片以外，尚有不少休憩設施，一啲健身設施、草地滾球場等。
2023Dec
#深水埗公園 #麗閣邨 #榮昌邨 #西九龍走廊 #通州街天橋 #兒童遊樂場 #最高瀡滑梯 #堆沙 #奔跑 #捉伊人 #恰細路 #花式 #緩跑徑 #踏步機 #花草樹木
*如果有邊度想去，留言話我知啦，未敢應承一定去，但會盡量安排。