直播靈接觸｜鄧兆尊女友爆新馬師曾報夢 入TVB錄影廠沿途收鬼稱靈界朋友太多 

直播靈接觸｜鄧兆尊女友爆新馬師曾報夢 入TVB錄影廠沿途收鬼稱靈界朋友太多
由梁思浩、黃紫恩、黃耀英主持嘅TVB Plus靈異節目《直播靈接觸》首播後引起全城熱話，而星期二（23號）播出嘅第二集，思浩就邀請有多位女友嘅好友鄧兆尊做嘉賓大談「冤親債主」話題。
兆尊同思浩相識多年，所以一收到思浩邀請，兆尊就一口答應，仲擺明態度係零底線任問唔嬲。而喺呢晚兆尊除咗拆解外界關於佢嘅玄學傳言外，亦大爆其中一位女友嘅靈異經歷，思浩即場邀請女友之一NaNa現身分享。NaNa透露自己同兆尊嘅淵源係源自一次報夢，報夢嘅人就係兆尊已故爸爸、大慈善家新馬師曾，NaNa形容報夢人：「係一個老坑，好瘦冇頭髮，唔係普通鬼。」兆尊聽到一額汗並即刻更正。
擁有靈異體質嘅NaNa仲話自己入TVB時遇到阻礙，因為電視城靠山，所以靈界朋友仔太多，自己需要念好耐經先入到門口。而NaNa入到電視城後亦有沿途收鬼，佢形容錄影廠鬼影處處。
咪以為兆尊有錢又有3個女友係件好享受嘅事，查實照顧三個女士一啲都唔易，就好似無時無刻有大喇叭喺耳邊一樣。不過兆尊就唔認同呢三段姻緣係同「冤親債主」有關，笑指係自己黑仔。
#直播靈接觸 #梁思浩 #黃紫恩 #黃耀英 #TVBPlus #靈異節目 #羅冠蘭 #鄧兆尊 #冤親債主 #新馬師曾 #報夢 #玄學 #NaNa #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0