福祿壽訓練學院終極對決｜陶大衛連獲兩獎成一級榮譽生 關嘉敏神還原FC全網激讚 

福祿壽訓練學院終極對決｜陶大衛連獲兩獎成一級榮譽生 關嘉敏神還原FC全網激讚
《福祿壽訓練學院》嘅一眾學員經歷4個多月比賽之後，星期日晚最後十強終於要決一勝負，經過一輪演出之後，一直備受好評嘅「筷子基」 陶大衛 先同 吳兆麟 同分齊得「專業評審大獎」，之後經過觀眾投票後再成為「福祿壽訓練學院一級榮譽生」成為節目之冠。
節目一開始獲頒學院榮譽博士嘅特別嘉賓 汪明荃 ，就同福祿壽一齊以旗袍亮相展開序幕，之後十強學員就分別以秘練多時嘅終極殺著先後演出，當中最令人印象深刻嘅，一定係 關嘉敏 神還原 譚輝智 嘅演出，無論造型表情同服裝神態，仲有「拉姑」共舞都令人捧腹。受盡外界評語激讚嘅Carman，連事後訪問神情都學到足，同場嘅 黃建東 一樣笑到肚痛。
一舉勇奪兩個獎嘅陶大衛，事後就話從未諗過自己會得獎，而綜合過往學員演出嘅佢，仲因為呢晚苦練三星期鋼管舞搞到周身傷咁話。至於三位評審 曾志偉 江美儀 同 錢嘉樂，就坦言俾分時非常頭痛，志偉仲話一班參加者排練辛苦不過演出亦非常開心。
一眾學員於節目末段齊齊以《告別校園時》鳴謝三位導師，而當場落淚嘅 阮兆祥 就解釋本意係培育新秀，但係就同大家培養出感情，所以就因為老懷安慰而落淚喇。
至於每集都以古靈精怪打扮出現嘅「扮工室助理」 陳懿德 同 郭珮文 呢晚亦技癢落場，齊齊表演Twins嘅《明愛暗戀補習社》，更以招牌動作側手翻示人。
#福祿壽訓練學院終極對決 #筷子基 #陶大衛 #福祿壽訓練學院一級榮譽生 #專業評審大獎 #吳兆麟 #汪明荃 #福祿壽訓練學院榮譽博士 #關嘉敏 #譚輝智 #曾志偉 #江美儀 #錢嘉樂 #告別校園時 #扮工室助理 #陳懿德 #郭珮文 #明愛暗戀補習社 #側手翻
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

Развлечения